上高地酒店選擇 [上高地五千尺ロッヂ]♥ 今日有個客人問起,我睇過你係上高地D相呀! 好靚呀! 問了我一下我當晚住係邊到。 當晚我就住係一間叫上高地五千尺LODGE 大家都知道好多LODGE都無私人的浴室的,客人問我慣唔慣。 我就同佢講我係日本都住過好一段長時間,基本上去大浴池洗白白對我嚟講我都已經習慣了。 其實我自己有少少經驗可以同大家分享,基本上過了晚上11時後和早上7時前去,有90%機會得你自己一個享受整個大浴池。所以我每次同客人講如果又想享受大浴池又怕尷尬的話,可以試下我所提議的時段去浸一下熱湯。尤其是行了一日山,浸一下去放鬆一下,第二朝瞓醒都無咁攰啦! 呢間LODGE以TATAMI為主,簡單乾淨同舒服! 涼浸浸的天然山水可以即開水頭就飲了。無論夏天又或秋天行完山回來,飲一杯即刻涼快到由頭到腳子尾,真係幾爽架! 早餐及晚餐就係自助餐形式的。都幾多款式選擇架! 早上有人過來賣APPLE PIE的。剛出爐熱騰騰,又好香蘋果味,必食呀! 晚上可以同男女朋友一齊出去睇下星星都幾浪漫架! 如果大家唔介意去大浴池洗白白,我覺得都係一個幾好的選擇呀!! 點擊圖片放大 如果要評個分,我會俾 4 OUT 5 啦! 因為D APPLE PIE真係好好食! 必定要ENCORE! 今年要去多一次,可以考慮一下組個團..哈哈!! 點擊圖片放大 有興趣的朋友,可以CLICK入去睇下間酒店 https://lodge.gosenjaku.co.jp/ 上高地要等到6月左右才開山呀! 大家耐心等等吧! 匠心の旅 Travel Plan Ahead ♥