島根県立美術館 (大自然與藝術之間的和諧) ♥ 昨日我講過其實松江市係可以玩足一日一夜的。 今日就想介紹一下呢個叫做島根県立美術館啦! 可以由松江駅坐松江觀光巴士去到的(又或行路10分鐘),所以如果你買1 DAY BUS PASS 其實係抵玩好多的。咁你可能會問點解要推薦呢個美術館? 1) 日落美景 美術館對住宍道湖係日本夕陽百選。我當日去就無等到日落了,因為要等到7時才會日落,但風景依然非常優美 2) 展品多元化 有日本畫、西洋畫、彫刻、工藝等等,我自己反而幾喜歡日本畫,有幾幅其實都幾靚下 a) 人魚圖 呢幅喺係新潟瀨波溫泉所畫,是邀請了三位當地健康的裸婦去繪畫的。感覺自然舒服。 b) 雪月花 呢個係按阿波鸣門(即係現時的鳴門海峽)既風景來畫的。能表達出海峽之間形成的海旋渦。可想而知, 鳴門海峽其實係好有名的。所以先俾列為世界文化遺產。 c)提琴雕塑 雕塑方面 其實我都幾喜歡呢個由三個提琴所造成的藝術品,提琴之間互相向上爭鬥、糾纏不清的哀怨感好正,我呆坐SOFA放空了十五分鐘。 3) 展品定時轉換 基本上每隔一季就會轉換展品一次,喜歡日本畫的朋友不妨去看看。個人會覺得比較喜歡它們所展出的日本畫多於其他展品。勝在夠”日本”。 TIP: PASSPORT 的也是入場半價(原價1000YEN) ,可以考慮6點左右入內參觀等睇埋日落先走吧! 入館時每人給你一隻紙摺的小兔(うさぎ) 幾貼心!! 想了解多一點,可以CLICK 入下睇睇 http://www.shimane-art-museum.jp/guide/ 匠心の旅 Travel Plan Ahead