係日本遇到地震點算好? 呢個星期係香港,所以特意抽時間見一見一些好朋友。個個朋友一開口就會問,你成日都飛日本,你怕唔怕地震架? 唔怕就呃你,不過始終係日本生活過,大概也會知道幾時要搵地方避震幾時可以繼續搵周公。 其實好多地方都有地震,好似台灣及中國等等,但相應的通報機制可能日本會比較完善一點,始終也是生活在地震活躍地帶中。由細到大在學校都會有演練如何對應地震,可以在哪裡躲避,那裡是比較安全等等。 但如果好似你同我係一個遊客咁可以點做呢? 同過我去日本又有幸同我同房的朋友們,一定知道我瞓覺前一定會將我自己個背包放係床邊,冬天會加多一件厚外套的。 我既背包永遠會有我的銀包及我的PASSPORT。 我係日本生活都已經習慣了這個模式”ALERT MODE”,萬一真係夢中遇到強烈地震唔駛諗咁多 “左手囉背包,右手囉外套” 即走,呢個係我自己住咗咁耐日本的心得。 如果真係走唔到出空曠地方,就走去洗手間啦!! 係人都知日本洗手間係用膠做的,其中一個目的就係給大家用來避震用的。 同時當然大家要KEEP 住留意地震訊息,同埋唔好周圍走。 如果急到唔記得囉電話呢,嗰一刻我相信好多日本人都會好樂意借電話俾你用,所以唔駛咁擔心。 嗱!! 美女們,嗰刻就真係唔好諗住拖喼走啦! 都唔好怕素顏俾人見到,仲走去化妝呀!! 其實我覺得好多日本達人成日都介紹好多好靚的景點,無錯真係好靚好正。但有時介紹秘景之餘,也不妨分享一下係日本生活的心得俾大家知。 有時好簡單的TIP 可以令大家玩得更方心,何樂而不為也!! 覺得有用就SHARE 俾哈日同胞啦!! 匠心の旅 Travel Plan Ahead♥