<<二次元之森林>> 淡路島 看了昨天的POST 沒有? 還沒有看的話,可以CLICK番入去睇一下我所介紹的由一所學校改建而成的餐廳叫”SCUOLA”。從神戶開車過來開餐也不用30分鐘。下次去開神戶一定要試試吧! https://www.facebook.com/travelplanahead/ 係唔係好期待今日的介紹呢? 今日要介紹一個老少咸宜 一家大細都岩玩的好地方。呢個地方叫” NIJIGEN NO MORI” 中文譯名” 二次元森林” 。當然呢個主題公園都係位於淡路島、開車又或乘坐巴士也是大概30分鐘左右便能從神戶到達,其實真的相當方便。咁呢個主題公園有乜特別之處呢? 先問大家呢到有沒有蠟筆小新的FANS呀? 我就係其中一個啦! 大家有沒有睇過佢個套戰國大冒險 <<戲場版>>呀? 攪笑到呢… 可以CLICK 番入去回味一下喎: https://youtu.be/eA0TjlJovTQ 呢個主題公園其中一個主題公園就係囉咗小新的戰國大冒險來作主題了。 <<動感飛索>> 我就首先想推介呢個動感超人飛行隊了<<動感飛索>>。係由一個225米同145米的水上飛索而成的,尤其是夏天,一來一回感覺超爽呀! (但小心它的動感大砲!! 轟轟轟就可以攪到你全身濕了) 工作人員最初還同我講唔會射中我架….放心去…最後咪…. 全身濕透囉!! 但真係刺激好玩,去到無理由唔玩吧!! ((**如果想睇我玩飛索個衰樣就私底下PM)) <<戰國大冒險>> 好簡單就係通過唔同難關去考驗一下你的膽量,最高可達8米。有小可愛難度及高級難度兩種。小可愛難度當然係俾大家小朋友去挑戰啦。高級難度當然係俾我地呢種唔怕死的大人去挑戰一下啦! 其實由8米望番落下其實都幾嚇人下。但如果好似我呢D係MBA到上過ELP PORGRAM的話,呢D真係小兒科啦! MBA朋友仔你地明白的。但老實說不妨一試,去到會有一個工作人員係你隔離睇住架,所以可以玩得安心又放心。呢D只有係日本先會有咁貼身的服務咋…所以GO GO GO!! <<鋼打姆機械人>> 岩晒小朋友呀,去到可以跳跳彈彈同佢地放下電! 見到個咁大個機械人,連大人都想入去玩埋一份呀! <<NIGHT WALK>> 呢個其實係一個夜間活動,可以算是夜間探險之旅,全長1.2KM。主題係圍繞住火之鳥,我們完成不同的任務去救出火之鳥。呢個主題是由我們的手塚治蟲大師去構思的,配合光與影的音響效果,從而令自己好像親歷其景一樣的。都幾有趣,不過唔識日文就最好搵埋我去啦!! <<小新1:1公隻>> 呢個無可否認係一個打卡熱點, ONLY搵小新無著褲的公隻都覺得好得意下…..不過我就最鍾意佢扮動感超人個扮相啦! 超乞人憎但我鍾意呀..!! Shopping: 當然係去買小新限量版產品啦! (商店就係戰國大冒險隔離) SHOP SHOP SHOP!! 餐飲: 佢地有餐飲車,就在小生大冒險附近了。 可以試下佢個淡路牛照燒芝士漢堡吧! 負責人同我講好JUICE 架! 如果想去餐廳的話可以去MORI NO TERRACE,可以坐低飲杯淡路島啤酒呀! 味道都幾清新好易入口男女都岩飲喎。 應該大家可以玩足大半日,不過講開又講我去考察咗大半日連一隻蚊我都搵唔到喎。呢D係唔係日本人管理之道呢??? 明日我會介紹一間剛剛係5月底落成的全新酒店。 我覺得同平時D “5”星級酒店嚟比較的話我俾夠佢”10”星。 無得輸呀! 都係果句,介紹完之後當然可以自己計劃去感受一下啦。但亦都可以搵我作一個完善的旅劃。 你可能會問點解要搵我PLAN呀、太簡單因為我識得個OWNER 囉。!! 係唔係小生FANS都好, 一定唔好錯過呢個主題樂園呀! 大家支持一下囉!! (真人男MODEL 示範點樣玩戰國大冒險) SCAN 入去睇下個VIDEO!! TRAVEL PLAN AHEAD https://www.facebook.com/travelplanahead/