西區海水配水庫

前排去左參觀西區嘅配水庫,佢位於香港大學百周年校園旁邊。但問左讀港大嘅朋友,原來連佢地都唔知係個到有個配水庫。不過又正常嘅!邊個會無啦啦參觀配水庫,我都係因為學校Field trip 先會去。

但原來海水同食水配水庫,原本位於百周年校舍,但因為港大要擴大佢嘅校園,先將個海水庫搬左入去港大旁邊嘅岩洞。原本食水庫嘅地就比左港大,海水庫就改為食水庫。

呢個配水庫係2009年落成,係香港第一個起係岩洞入要嘅海水配水庫。因為配水庫附近就係龍虎山郊野公園,為咗唔影響附近嘅生態環境,當時起配水庫係選擇用藥炸出個岩石,以唔係用開山同埋伐林嘅方式。

2013年個時,呢個工程係攞到香港工程師學嘅「21世紀香港十大傑出工程項目」獎項。

而家配水庫由兩個岩洞組成,最多可儲存12,000立方米嘅海水,大約有5個奧運會標準泳池禁大,可以供應到中西區十二萬巿民。


想參觀西區海水配水庫,係一個勁難得。因為佢一個月先開放其中一日,又因為安全問題, 一次只係畀35個人參觀。

This entry was posted in 香港. Bookmark the permalink.