Day 2: 清邁>帕辛寺>柴迪隆寺>Warorot Market>Thanin Market>安康山 今日6:30am起身, 7am就出車, 架電單車o係旅館外泊左一晚, 車面都濕濕地*0* 清邁早晚溫差都幾大, 朝早20度, 中午有近30度, 但坐電單車體感又減5度, 所以就咁o係條街度行其實唔覺涼, 但坐緊電單車就會覺得凍凍地 路經哩座唔知咩寺, 就停車影兩張相 7:25am就黎到今日我地要去o既其中一座寺, 帕辛寺, 哩座寺已經有幾百年歷史, 係清邁規模最大o既寺廟之一, 亦係最早開始收門票o既寺廟, 每個星期日晚o既Sunday Night Market o既終點亦係o係哩座廟前面 點擊圖片放大 o係帕辛寺後面哩度就係柴迪隆寺 點擊圖片放大 +3 寺廟旁邊放左好多凳, 周圍又掛晒彩旗, 似乎有咩特別慶典 行行下, 竟然俾我地見倒好多粉麵放晒o係度, 仲寫住係免費*0* 初時以為只有僧人先食得, 後尾d人話我地都食得, 問佢地點解會有免費, 佢地話因為今日同聽日係一個關於燈o既節日, 所以哩2日都有免費 清邁有咁多平靚正美食, 雖然哩度有免費麵食, 我地當然無謂o徒quota食啦, 所以就只係每人飲左一杯野, 野飲都有幾款揀 我地揀左泰式奶茶同泰式咖啡, 味道同出面俾錢o既一樣, 都係咁好飲 只係幾個字時間, 太陽已經照到成個寺都反晒光好靚咁 點擊圖片放大 +3 入廟前都要除鞋 點擊圖片放大 大佛旁邊有一排蠟像僧人坐o係度, 做得超真, 初時離遠睇仲以為係真人*0* 飲完咖啡, 臨走都要幫趁下個廁所, 除左入廟, 原來入廁所都要除鞋 臨走先影返個大門 睇完寺廟都係8:15am, 之後先去食早餐, 不過食之前就黎哩間o係古城南門o既街邊炸雞檔先 哩檔專賣唔同部位o既炸雞, 唔好睇佢咁up dup, d炸雞真係超好食, 之後我地都有番兜再幫趁 炸雞槌15b, 好脆雞肉唔鞋唔油又夠味, 正 炸雞皮20b 哩個炸雞皮仲正, 超級脆, 完全唔油, 食唔晒放埋一邊隔左幾個鐘都仲脆, 堅~!! 食完炸雞, 就去左古城外西北邊哩間專食泰北咖哩湯麵o既Khao Soi Mae Sai食早餐 點擊圖片放大 +3 仲要留肚試其他野, 所以只叫左一個Wide Rice Noodles with Vegetables and Beef, 50b 咖哩唔辣不過幾香, 牛肉好林, 上面一條條脆卜卜o既係炸豬皮 食完只係幾個字時間, 麵店已經開始多人 食完麵找換店都開門, 就o岩o岩好去唱多d錢先 唱左錢就夠錢可以返返電單車鋪加碼再租多3日車, 同樣每日250b, 順便可以放低2,000b按金拎返本passport 本來諗住租個野方便渣車睇手機地圖, 不過都唔平, 都係算了 哩度係清邁o既唐人街, 可以見倒好多中文字 點擊圖片放大 黎哩度唔係為左去唐人街, 而係去哩個全清邁最大o既傳統市場Warorot Market 清邁有好多哩類型o既市場, Warorot Market主要賣乾果糖果哩d可以當手信o既食物, 所以好多遊客都會黎, 不過當地人都一樣唔少 哩度真係幾多野買, 同埋價錢都比出面平 點擊圖片放大 +3 其實附近都有幾檔賣同類o既野, 但唔知點解哩一檔係特別多人幫趁o既, 仲要大部份都係當地人, 我地當然又要去八下 雖然有價錢表, 但都唔會睇得明 點擊圖片放大 哩款炸蟲聽講o係哩度都幾出名 點擊圖片放大 哩檔軟糖有得試食, 食過唔錯, 就買左d返去自己食同做手信 哩度1kg都係100b, 我地每人買左1kg, 老闆仲另外執多d俾我地 點擊圖片放大 其他果乾好似都麻麻地, 都係買最穩陣o既龍眼乾好過, 原本200b/包, 我地一人買一包夾埋都係300b 原來清邁係出名士多啤梨, 見街市入面同出面都有好多士多啤梨賣 原本朋友都想買d黎試, 不過佢一買就要買咁大包所以我地最後都冇買 o係街市買完野就返旅館, 途中經過7仔就買d野飲先 泰國o既益力多又平又大枝, 哩枝700ml都係42b, 所以我地日日都會買枝黎飲 揸揸下電單車就俾警察截停, 哩度d警察好鍾意捉d遊客冇帶頭盔或者冇國際車牌就罰錢, 古城內係捉得特別勁, 所以係冇得偷雞, 我地當然唔會咁易俾錢佢賺, 但當地人係唔戴頭盔都唔會有人截囉 11am我地返返旅館放低d戰利品順便check out就走了 趁日頭影返房間個露台 望倒下面個泳池 離開旅館, 本來想黎哩間好多人幫趁o既Tikky Cafe食lunch, 點知竟然哩幾日都休息-,- 之後我地就轉左去哩間食東北烤魚o既Lert Ros 真係好多人食烤魚 12點坐滿人 menu有齊中英泰文, 唔怕唔識睇 青木瓜沙律30b, 酸酸辣辣好開胃 叫左大烤魚160b, 多肉骨粗唔怕哽骨, 點酸汁食都唔錯 食完烤魚經過哩間Mini Big C又入去望下 哩間Mini Big C同便利店差唔多大, 賣d野亦唔算特別平, 同普通便利店都差唔多 之後我地就去左清邁另一個街市, Thanin Market 哩度就比較似返當地人會買餸o既街市, 因為有好多食材賣 雖然哩度冇冷氣, 但環境又估唔到幾乾淨企理 點擊圖片放大 +4 除左買餸, 哩個街市另一邊仲有個熟食中心 哩度有好多檔唔同野食, 但因為中午o既清邁實在太熱, 我都熱到冇乜胃口 點擊圖片放大 所以最後我淨係幫趁左哩檔酸柑水, 大大杯都係20b 1:24pm正式出車去安康山 安康山距離清邁古城180km, 預計要揸3hrs先到, 見倒油站當然入定油穩陣 加左2格油, 50b 揸左2hrs車, 3:23pm先行左一半路程, 明明行高速電單車係快過私家車, 點解d人話3hrs可以去到?! 見倒有油站又要入油先, 加油60b 頭先因為天氣熱冇乜胃口其實食左好少野, 趁落車鬆一鬆拎返頭先o係Warorot Market買o既野黎食下, 糯米飯10b, 香腸40b, 無骨豬扒40b, 食埋放左幾個鐘o既炸雞皮竟然仲脆!!!*0* 點擊圖片放大 +2 4:20pm已經揸左3hrs, 以為到, 竟然都仲係未到-,- 點擊圖片放大 開始見倒櫻花喇, 天氣亦越黎越凍 d路都開始多彎同好多上斜落斜, 但路況係良好o既 5:10pm我地終於黎到安康山, 最後總共揸左4hrs車先到 網上d人話哩度係有住宿, 要黎到先有, 冇得網上訂, 但行左一圈都係得d手信鋪同食飯o既地方 最後其中一間鋪頭o既ee就指左我地去前面哩間學校話有得住(?) 我地半信半疑行入學校問人 我地求其搵個人問係咪有地方住(當時哩個位仲未有營扎o係度), 佢話係, 話tent 500b, 我地問佢有冇room, 佢話room 500b, 之後我地再問佢500b係一個人定一間房, 佢話500b係一間房, 因為佢英文麻麻地, 我地怕誤會佢意思, 又怕佢係咪屈錢, 就話可唔可以睇下房先 佢首先帶左我地入去裡面 入到去原來係教職員office, 我地心諗唔係訓哩度掛?! 原來佢只係拎鎖匙, 之後佢就帶左我地黎哩度 佢話哩度係訓3個人, 但我地2個人都可以訓哩度, 雖然地方簡陋, 不過被鋪都算乾淨, 同埋夜晚真係超級凍, 好彩佢都有幾張被, 夜晚我地都要著晒外套蓋幾張被先夠暖 有廁所唔洗同人爭都算係咁, 因為山區唔會有熱水, 所以都唔會沖涼, 反正都係住一晚 趁天未黑就周圍行下, 見倒山頭都有唔少櫻花 出學校前, 同左帶我地睇房個男人傾左幾句, 原來佢係哩度o既老師, 佢地為左幫補學校o既經費, 都有租房間同帳幕俾d遊客 月亮都已經出黎 因為最近有飯食o既地方就只有學校出面o個幾間鋪, 而哩度原來幾多雲南四川人過左黎開鋪, 頭先教我地黎個ee都係四川人講普通話, 所以我地揀左一間中菜館食晚飯 求其叫左個炒麵50b 食完飯其實都係6:35pm, 但哩度已經天都黑晒, 見倒哩度有人整酥餅好似幾好食, 就買左份試下 點擊圖片放大 哩個酥餅甜甜地脆脆地都幾好食 行返學校已經有人住左o係營入面 7pm都未夠就返返房, 因為又凍又冇野做又唔洗沖涼, 所以上下網9pm倒都訓覺了