雖然以色列係一個聖經同國際新聞耐唔耐都會聽倒o既名字, 但我對於佢o既了解o係我為左哩個旅程而做research之前, 可以話係零, 原本都冇諗過會去以色列, 4月突然間見倒以航做promote, 但一定要6月出發, 好少中東國家o既機票會有promote, 就即刻二話不說買機票同請假 *********************** 以色列係猶太教, 基督教同伊斯蘭教o既發源地, 除左哩三大宗教, 以色列入面仲聚集左好多其他唔同宗教o既人, 以前讀書年代最憎歷史科o既我, 因為旅行而認識左好多唔同地方o既歷史, 而今次旅程就正好可以好好了解以色列多元化o既文化同宗教背景 Day 1: 香港>特拉維夫機場 因為安息日關係(星期五黃昏後至星期六黃昏前), 以航星期五晚係冇機, 所以我地就買左星期六晚o既機票, 雖然係21:00 o既飛機, 但因為以色列地小人少敵人多, 所以佢o既魔鬼安檢亦都出左名, 因此我地提前4hrs就去到機場(以航建議旅客最好提前3hrs到機場, 比其他國家o既2hrs早) check in前, 就先要過第一關, 每個旅客都要企o係右面counter前面一張張o既白色枱前面, 逐個俾以航機場保安盤問 以航機場保安有以色列人, 亦有香港人, 如果唔識英文o既旅客, 可以選擇由香港保安盤問, 經過10mins o既盤問, 我終於可以拎登機證喇 盤問內容都係問點解去以色列/去幾多日/去以色列咩地方/住邊間酒店/同邊個去/你地咩關係/識左幾耐/點樣識/你o係邊返工/佢o係邊返工/你住邊(要確實講邊個區)/你有冇朋友o係以色列/有冇人叫你帶野去以色列/有冇去過其他中東國家/有冇去過以色列/行李係咪你自己pack/行李有冇離開過你視線.... 網上有人話, 如果去過伊朗, 你更可能被盤問2hrs 終於黎到登機閘口, 但安檢都仲未完, 因為離遠o個兩個著白色衫o既以航機場保安會收走所有登機旅客o既手提行李(收淨銀包, passport, 手機)去搜查, 臨登機前先會俾返我地(其實寄倉行李都應該有打開搜查, 因為check in時有叫我地唔好上鎖) 以色列只有一個機場, 就係首都特拉維夫 因為全東南亞只有泰國同香港有直航飛以色列, 所以哩條人龍都係其他國家黎香港轉機去特拉維夫o既旅客, 佢地同樣要逐個盤問同收走手提行李去檢查 收淨o既銀包, 手機一樣要檢查, 白色衫女保安會拎住橙色o個枝野o係旅客o既手機, 鞋, 銀包上面掃 雖然以航o既保安貌似好嚴, 但其實收走手提行李到上機前都有好大段時間, 旅客中途要出蠱惑都唔係冇機會囉 終於見倒以航隻機喇 咪睇我地笑晒口, 其實本來我地對以航都有d期望, 點知上到機見倒係隻舊機都幾失望, 椅背個mon只係大過手機o既mon少少, 座位都幾迫, 仲要估唔到全機full晒(原來拎登機證時職員仲話我地要分開坐, 係臨登機前先有職員話幫我地調倒位一齊坐)-,- 因為轉機旅客安檢浪費左好多時間, 搞到21:00 o既機足足delay左1hr先可以起飛, 22:30終於派小食 23:10終於有飛機餐了, 最好味都係個水果 哩堆青豆, 係咪人食架?! 哩個牌子o既茄汁就見得多, 原來仲有沙律醬 因為以色列四周都係佢o既敵人, 航線都避開左伊拉克伊朗哩d敏感國家, 特登兜左上西藏再落返土耳其, 所以機程要11hrs 訓下醒下, 臨落機2hrs就派早餐, 又係最好食係個水果 以色列慢香港5hrs, 當地時間4:20am, 終於黎到特拉維夫機場喇~~~估唔到半夜4點幾, 個機場仲咁多人!!!*0* 準備入境喇 除左去過其他中東國家入境以色列會有困難, 相反亦然, 所以近年入境以色列, passport都唔會有以色列蓋印, 而係以哩張卡代替, 張卡會有晒旅客個樣, 名字同passport no. 等左好耐都唔見我地o既寄倉行李, 原來因為保安問題(估計係機場保安check唔切所有旅客o既寄倉行李)同機大部份旅客都拎唔返佢地o既行李, 有人一件都拎唔返, 亦有人拎唔返部份行李>.< 所以成村人就o係度排隊填form登記, 職員會mark低旅客o既住宿電話同地址, 聲稱行李會隨下一班機送到, 即係第2日約下午時份, 佢仲話會送到去酒店門口 交完表職員會每人派一個日用品小包 咦????哩個牌子都好似唔係cheap野喎, 包內有衫褲各一件, 洗頭沖涼剃刀梳鏡M巾......同一對長襪, 但係冇毛巾同底褲o既, 我地將要靠哩包野挨至少一日