Day 3: 慶州校村村>瞻星臺>月城洞壁畫村>蔚山 由於第一晚check in已經好夜, 臨走先影返我地o係慶州住左兩晚o既旅館 今日景點唔算好多, 所以可以訓到8:15先起身, check out埋寄存左行李先動身 搭61號巴士黎到慶州校村村, 車程11mins, 車費W1,250(HK$8.8) 黎哩度目的就係為左去哩間食店食飯卷, 因為哩度都幾近我地第一個景點 點知去到先發現哩幾日都休息 本來預左食飯卷做早餐, 點知冇開, 好彩帶左o係旅館拎出黎o既果汁, 哩個時候飲就o岩o勒 慶州校村村其實都係一個景點, 主要係睇d韓屋, 哩度有玻璃工房, 陶藝工房, 可以睇倒以前崔氏家族o既生活情況, 不過個人覺得同北村韓屋相比, 哩度o既商業味就較重, 因為入面有唔少韓屋都用左黎做食店或賣野, 不過既然黎到, 就周圍行下影下相啦 點擊圖片放大 +6 由慶州村村校一直行, 會見倒有條路通去瞻星臺 哩個就係瞻星臺, 佢係東方現存最古老o既天文臺, 以前主要用黎觀測天空中o既雲氣同星座, 已經有過千年歷史 去到瞻星臺我地已經見倒遠處有好多人驟o係度, 行近少少睇, 原來哩到有一大堆粉紫色o既草, 襯埋藍天, 真係幾有睇頭 仲有泡菜人o係度影婚紗相添 有一大片粉紫色o既草襯托下, 都幾浪漫 哩堆草都有繩圍住, 旁邊仲有實Q睇住, 一見倒人踩入去就會即刻叫佢地出返黎, 不過好彩紫草之間都留左條路俾人o係中間行同影相 唔知哩種係咩草, 其實之前網上research瞻星臺都冇人提過有哩隻草, 估計係o係某段時間先會見倒, 真係超好彩, 都算係成個旅程最驚喜o既部份 因為頭先只係飲左罐果汁, 所以我地影完o係草海影夠之後, 就去左隔近o既便利店買個飯團食先 去泡菜國我都幾鍾意去便利店買飯團做早餐或者拎去行山食, 因為佢有好多唔同味, 好似牛肉全州拌飯, 金槍魚, 肉排... 今次我揀左巨蟹蟹油味, W1,000(HK$7) 我覺得冇我尋日食o個個金槍魚味咁好食, 因為尋日個飯都係有味的 食完飯團, 我地就去左隔離o既月城洞壁畫村, 哩條壁畫村同瞻星臺只係隔左條馬路, 最初黎哩度其實都係為左黎壁畫村, 見瞻星臺o係對面先順便去埋 雖然話係壁畫村, 其實亦只係地圖藍色同橙色o個2條小巷先有壁畫 點擊圖片放大 雖然成個旅程入面我發現其實泡菜國好多地方都有壁畫, 不過哩度o既壁畫都比較colorful, 都幾值得黎 點擊圖片放大 +15 影完壁畫村都已經11:15, 我地就慢慢行去食lunch, 途中會經過一間小學, 哩度o既小學對出o既欄杆都會有小朋友公仔以識別 大約行10mins就黎到我地食lunch o既地方, 星菜飯 雖然黎到時先11:25好似好早咁, 但食店入面都已經有幾枱客, 我地坐低冇耐就開始越黎越多人黎, 到上菜時更加已經坐滿人 侍應都忙於預備訂左枱o既食客做準備 黎哩度主要係食烤豬肉同埋佢擺到成枱都係o既前菜, W12,000(HK$84)係人頭計, 泡菜國o既食店一般消費係2位起 終於有野食黎喇, 實物同menu一樣咁大堆頭 泡菜國用黎包住烤肉食o既菜真係有好多款, 香港通常只有生菜, 哩度就有3,4款唔同o既菜 烤豬肉辣辣地都幾惹味 食完lunch返旅館拎埋行李之後, 我地就行返去第一晚落車o既慶州長途巴士站搭巴士去我地下一站, 蔚山 去蔚山o既巴士大約25mins就有一班, 所以唔洗等好耐就有, 車程約60mins, 車費W4,900(HK$34.3) 非常準時, 一個鐘之後我地就去到蔚山長途巴士站 蔚山比我地想像中城市化, 佢城市化o既程度可謂不下於釜山/首爾, 所以巴士站對面就有一間3層高o既Daiso, 係成個旅程入面見過最大間o既 因為由巴士站去旅館仲要轉一程巴士, 未肯定夜晚仲會唔會出黎, 所以我地拖住o急都要行一轉先 3層高o既Daiso係有Lift o既, 所以即使拖住o急都冇乜困難, 入面d家品真係好colorful好靚, 如果香港o既$12店都有哩d款就好了 快行完一輪Daiso, 我地就搭巴士去我地旅館, 因為都有幾架巴士去到, 所以唔洗等好耐就有車, 車程12mins, 車費W1,250(HK$8.8) 旅館隔離間7-11出面有個男人見我地行過問我地係咪搵旅館, 原來佢就住哩間旅館o既老闆, 佢o既英文都算唔錯, 簡單同我地介紹旅館o既設施, 之後就話有事想搵佢可以隨時過隔離間7-11就會搵倒佢(估計間7-11都係佢o既, 因為間7-11竟然唔係開24hrs, 係8am-1am) 哩度除左每朝7:00am就會有早餐供應, 最好就係可以免費用洗衣機 每間房門大間都係一個小黑板, 可以俾人o既上面塗鴉 雙人房$273/晚, 非常抵住 對於唔慣開暖氣o既香港人黎講, 哩度o既地熱冇前2晚慶州o既旅館咁明顯, 房入面仲有風扇, 冇咁焗 雖然房間睇落比慶州旅館平實, 但話晒係大城市, 所以d水夠晒猛, 同樣哩度都有係有大大枝o既沐浴露洗頭水護髮素任用 放低行李休息左陣之後, 我地就行去附近o既樂天超市行下 泡菜國o既超市9成都係賣返佢地本土o既牌子, 以前以為759d泡菜即食麵唔平, 原來根本o係泡菜國買pack即食麵本身都唔平, 但佢地除左大公司職員, 普遍人工都冇香港咁高, 真係唔明點生存 泡國米都有咁多款, 最值得一讚係佢地仲有獨立包裝o既米, 方便泡菜人帶去露營 d燒酒又多又平, 唔好酒o既我都試左幾款 買啤酒送面膜睇怕都係得泡菜人諗倒 因為今日先係旅程o既第3日, 所以只係睇多買少, 買o既都係預左o係旅程中會食/飲o既野 哩樽蜜糖朱古力, 主要係見倒個樽咁靚買黎試下, 不過朱古力味唔算重, W2,580(HK$18)都小貴 行完樂天超市, 我地就去左附近o既M記, 因為想試佢o既雙重朱古力薯條同脆格 每樣都買左一款, 每款W2,600(Hk$18)都幾貴 本來以為脆格係薯格, 點知原來係薯片黎 非常方便o既設計, 唔怕整污糟手 其實薯條都係平時M記薯條, 只係多左個朱古力醬, 試過就算, 唔值咁貴 唔止個薯條貴, 食薯條時仲見倒哩個包餐竟然要W8,900(HK$62)!!! 另一樣吸引我o既, 仲有佢個高科技廚房, d mon多到呢 食完M記我地又過左樂天旗下o既快餐店Lotteria試下, 佢價錢同M記差唔多, 一場黎到, 點都要試下泡菜國本土o既快餐店 哩個蝦堡餐盛惠W6,700(HK$47) 哩個蝦堡有2塊炸蝦餅, 中間有千島醬, 都幾好食 今日o係Daiso買o既, 雖然之後o既旅程都去左好多間Daiso, 但d款都係哩間最多, 哩度夾埋W8,500(HK$59.5) 淨係食個M記薯條同2個人share一個Lotteria包餐又點會飽, 好彩我地o係Lotte超市一早買定杯麵同零食, 哩度夾埋W4180(HK$29) 因為d杯麵都唔平, 好難少揀倒2個唔過W1,000 o既杯麵, 炸雞薯條都幾好食