Day 2: 慶州: 佛國寺>石窟庵>統一殿 因為今日車程比較耐, 所以6:30am就要起身, 搭車前去左旅館附近o既便利店買個飯團做早餐先 原來而家d飯團都有寫中文名, 咁就唔怕唔知係咩味了 哩度夾埋W3,800(HK$27) o係泡菜國搭巴士雖然冇話落車一定要拍卡, 但如果你預計你同一日之後仲會搭地鐵或巴士, 落車拍卡, 之後o個程就有機會有轉乘優惠 同埋有一樣同香港最唔同o既係, o係香港通常我地會企定定等架巴士駛到你面前先上, 泡菜國可能基於前面有巴士泊o係度, 會o係較遠位置停車, 但d泡菜人係會自己行去架車度上 搭10號巴士見倒右邊個information centre就知到左佛國寺, 非常易認, 車程50mins, 車費W1,250 (HK$8.8) 行去佛國寺入口途中, 見倒哩架小型消防車, 幾得意 由落車點去佛國寺入口大約行15mins 佛國寺o係1200年前起, 所以係屬於世界遺產 入場費W5,000(HK$35) 點擊圖片放大 +4 d水都幾清甜 點擊圖片放大 +10 睇勻全場得哩棵最紅 點擊圖片放大 +6 o係哩幾日旅程入面, 我發現泡菜人唔單止鍾意將d石頭堆到咁, 就連街邊賣橙賣番茄都鍾意堆到咁, 行過都幾驚撞跌左 行左1hr, 好快就行完佛國寺, 我地就去返入口對面o既巴士站搭12號巴士去石窟庵, 車程15mins, 車費1,650(HK$11.6) 12號巴士要1hr先有一班, 好彩我地等左冇幾耐就有巴士 沿途架巴士不停上斜, 唔怪得短短15mins車程, 都要W1,650 點擊圖片放大 +2 去泡菜國旅行通常都唔洗擔心去廁所o既問題, 因為d景點通常都有好多廁所, 而且仲要係好乾淨o既, 入石窟庵前, 左手邊就有個廁所 點擊圖片放大 石窟庵門票要W5,000, 其實入口附近有條山路, 可以橫誇幾個山頭, 都有唔少泡菜人黎行山, 如果淨係行山唔去石窟庵係唔洗買門票o既 買完飛仲要行多10mins平路先到真正入口 見倒石窟庵個名就知冇黎錯, 基本上都冇人驗票的 哩度唔係好大, 基本上靠左手邊行到去上面間寺再落返黎就行完 點擊圖片放大 +3 哩度入去就係石窟庵 上到黎望返落去 石窟庵入面就係咁, 因為唔影得相, 哩張係網上圖片來的 點擊圖片放大 睇完石窟庵就行返哩條路落黎 點擊圖片放大 之後我地唔搭巴士, 選擇行返落佛國寺, 大約行左40mins就落到去 點擊圖片放大 就黎落到去時見倒哩d健身設施 哩條通往佛國寺o既林蔭道全部都係紅葉o既樹, 可惜仲係好綠 去返佛國寺車站都已經12:00, 係時間食lunch, 我地就沿住大馬路行20mins去預先plan定o既草堂400食午飯 哩度全部都係得哩d矮枱 menu一幅圖都冇, 好彩我地都做足功課 叫左一人一個豆腐湯飯, 共W18,000 (HK$126), 旁邊d配菜除左中間個魚同牛肉之外, 全部都係免費refill 我覺得下面塊蘿蔔先係精粹, 又腍又入味 哩個豆腐湯除左豆腐, 仲有蝦呀, 蜆呀咁 食完lunch, 我地就搭10號巴士去統一殿, 車程20mins, 車費W1,250 (HK$8.8) 落車對面就係統一殿, 但黎哩度統一殿唔係重點 統一殿前面哩排銀杏樹先係主角, 你會見倒遠處都有人企o係中間影相 哩度勝在冇乜車, 可以出馬路影相 點擊圖片放大 +3 出面好多人, 但反而入到黎統一殿就冇人 書出池 哩度就係統一殿, 其實仲可以再入, 不過我求其影張相就走了 影完o係哩個巴士站搭返10號巴士就可以出返慶州市中心 出到慶州站都未夠16:00, 時間仲早, 我地就去左哩間皇南麵包店 哩度只係賣一樣野, 就係紅豆餅, 好多泡菜人黎開慶州都會特登過黎買返幾盒做手信 入面有十幾個人同一時間整紅豆餅, 賣紅豆餅可以賣間鋪咁大咁high class可想而知佢地一日賣幾多盒 佢有兩款禮盒裝, 分別係20個同30個, 可惜只係放得4日, 唔係都想買返香港做手信 好彩佢除左禮盒裝, 都可以散買, 除返開價錢一樣, 我地先買4個每人2個試下先, W800/個, 即HK$5.6 紅豆餅仲係熱辣辣 食落都幾辣口, 皮又薄又腍, 入面o既豆沙唔會太甜, 的確好好食, 所以最後我地又買多4個第2日食 食完紅豆餅, 我地就去左城東市場行下 泡菜國o既街市俾我最大感覺係好乾淨, 地下唔會太濕, d野擺得超整齊, 唔會突晒出黎, 同無論賣咩, d野都好大件 成梳八爪魚掛晒o係度, 都幾壯觀 d蘿蔔都大過人 哩d估計係佢地大時大節會買o既禮品 城東市場中間都有好多哩d W6,000(HK$42)任食o既檔攤, 食o既其實都係大同小異, 都係有十幾廿款醃菜任食, 仲有白飯任裝 所以我地求其揀左貌似全場最老o個檔黎幫趁 另一樣值得讚o既, 係佢地雖然係競爭對手, 但唔會爭生意, 只有當人客行到佢地檔攤前面, 佢地先會吹賣, 唔會老遠已經行黎拉你或叫你幫趁佢, 如果有人客走埋其中一檔度, 而個檔主整緊野冇為意, 其他檔仲會話俾o個個檔主知, 唔會撬走個客 最前面一絲絲o個個甜甜地我覺得幾好食, 仲有左邊個辣蟹仔都唔錯 點擊圖片放大 +3 仲有湯 其實城東市場19:00就收, 雖然我地早食晚飯, 食完先17:30, 但我唔覺得佢會o係收工前賣晒(因為有成七八檔, 但夾埋食客都冇10個), 所以我估佢d野係會留返第2日再賣 我地一開始已經目及倒婆婆前面有d益力多, 仲諗會唔會有得飲, 定要另外俾錢 原來食完佢先會俾你, 佢地o既益力多一樽只有65ml, 好的骰, 之後o係超市都見過, 一排至少20枝, 有d一排40枝, 好平, 除返開幾亮子一枝, 但勁快過期, 只可以放幾日, 所以都冇買 城東市場個W6,000任食雖然多款, 但好多都係菜, 同埋差唔多味, 所以唔係食飽, 係食到唔想食, 所以之後就去左M記試佢個朱古力批, W1,500(HK$10.5) 食落比之前香港M記個朱古力批濃d 返旅館前又去左便利店買薯片, 哩個Wasabi味八爪魚波好好食, 就好似香港個尤魚波咁, 不過係wasabi味, 好夠味食到停唔倒口, W1,500 (HK$10.5)