Day 1: 香港>釜山>慶州 早4個月見倒hkexpress有平機票, 去程同回程2個人share個寄倉, 拉勻約$1,500/人來回連稅, 時間都靚, 去程9:15am飛, 回程17:15到港, 慶幸冇cancel/delay, 早一日換定d麵包上機食 機上哩本書仔竟然都有介紹哩個雞蛋餅仔, 如果遊客買左真係泵心XDDD 準時落機, 入境前竟然仲要過多一次x-ray, 唔通驚有炸彈?! 一出左閘, 左手邊就有間7仔, 買張T-money card傍身先(開卡費W4000, 之後退卡可以拎返W3500) 釜山金海機場超級細, 一出閘基本上前面就係機場門口, 出左門口過對面馬路跟指示轉右就有金海輕軌出市區 金海機場離市區都算近, 搭地鐵加轉線大半個鐘已經出到釜山站 搭地鐵其間, 突然見倒有人渣左架車入黎, 原來係一架電動輪椅O_o之後幾日都o係街上見過有人渣住哩架車 搭搭下見倒有位坐, 睇真d見倒上面有哩個公仔, 驚住要老弱殘兵先坐得, 唔敢坐, 有個阿豬媽同我講可以坐, 都半信半疑, 返到黎goole translate, 先知原來解Lady First*0* 另一樣比較特別係, 原來泡菜國地鐵站都幾多叉電位, 左邊牆上就有2個插位 14:50黎到草梁麥麵先食午餐 泡菜國好多食店都有哩種矮枱座, 都係要除左鞋先 每枱除左鐵製水杯, 仲有壺金色野, 原來係熱湯黎 韓式餃子, 6隻都係W4000, 每隻差唔多有拳頭咁大, 睇見到飽-_- 以水餃黎講皮算薄, 入面超多餡, 但唔係我杯茶, 只係抵食 水冷麵W4,000 撈麵W4,000 水冷麵只有少辣, 凍凍地好開胃, 麵質仲有少少彈, 好食 撈麵只係冇水, 味道其實一樣, 不過個人就覺得水冷麵好食d 哩個旅程食左好多野, 見好多食店都會有水機, 基本上都唔洗買水, 另外仲有咖啡機, 大部份都唔洗錢, 食完可以飲返杯 食完lunch, 我地就拖住o急搭地鐵到下瑞站再轉巴士黎我地第一個景點, 乙淑島候鳥公園, 雖然睇地圖佢距離機場唔係好遠, 但搭地鐵就要兜一大個圈, 因為中間花左少少時間去搵個巴士站同等巴士, 好彩最後都趕得切日落前黎到 開頭一落巴士前面係一個展覽館o既建築, 問入面d人知唔知個公園o係邊, d人好似冇聽過咁, 又話哩度冇公園, 後來發現個公園就o係後面, 雖然唔多人, 但都有人o係度影相同踩單車, 唔明d職員點解可以完全唔知-,- 哩度唔算係一個旅遊景點, 只可以話係一個拍攝點, 日落時份陽光照落芒草上都ok靚, 有時間都值得來 話明哩度係一個候鳥公園, 都會見倒唔少雀烏 點擊圖片放大 +2 影完因為仲要等巴士出返下瑞站先可轉地鐵去第2度, 所以當我地黎到南浦o既guesthouse時, 都已經18:40(因為book房個網頁地圖mark錯位置, 最後問左幾個人先搵倒), 但我地今晚唔係住o係哩度, 我地只係黎擺低部份行李jek 揀住南浦係因為佢附近有好購物街, 有得唱錢, 有Lotte Mart, 同去幾個景點都方便 放低行李後, 我地就即刻唱錢先, 兌換價為HK$1=W144(之前都係用早前同朋友用淨唱的won) 唱完錢就即刻搭地鐵去老圃站去釜山長途巴士站搭巴士去慶州, 原本仲諗住食個冰先, 但因為plan行程時冇預計咁夜先去到長途巴士站, 所以我copy左o既時間表只去到20:15 o個班, 唔記得之後仲有冇巴士, 所以入到食店坐低先驚覺已經19:00, 驚住冇車, 就即刻趕去巴士站(由南浦搭地鐵去老圃都要約42mins) 去到先發現原來20:15唔係最後一班, 巴士15mins有一班, 買票後其實坐邊一班巴士都可以, 票價W4,800 同強國一樣, 泡菜國o既長途巴士站都有好多食店, 便利店, 廁所咁, 雖然個長途巴士站唔算特別新淨, 但泡菜國好多地方o既廁所都好乾淨 我地就係搭哩架巴士, 長途巴士d位都好闊落, 仲舒服過坐飛機, 車程1hr好快就過 落車時超大風同都幾凍, 體感温度只有幾度,因為都已經21:00, 好多店都收晒, 人影都唔多個, 條街都比較黑, 我地都花左少少時間先搵倒我地book o個間旅館(旅館距離車站其實只有5mins路程, 因為天黑加上旅館條街冇街燈都要花多d時間先搵倒) 哩間旅館d房都幾大間, 一入門口有玄關位, 左邊係廁所, 右邊先係房間 因為預訂時求其作d原因叫佢upgrade, 最後真係upgrade左俾間大房我地 哩間旅館係成個旅程最抵住, $211/晚, 有齊梳洗用品沐浴露洗頭水護髮素風筒衣架, 地下有暖氣, 不過就有d太熱, 唔慣開暖氣o既香港人都係開返少少窗好d 水夠熱, 係唔夠猛 最估唔到係, 房間入面o既樽裝水同果汁都係免費 :P 仲有lotion同hair spray, 仲要係全新, 初時唔敢用, 但後來知道可以用同實在太乾, 帶來的lotion都唔夠潤, 都有用到 旅館主人英文都算唔錯, 男主人好nice會同你講解附近有咩玩有咩食, 搭咩車, 但由於我地趕住出去食晚飯, 同埋其實已經一早做足功課都知道晒, 所以只想佢快快講完 終於聽佢講完, 食住西北風摸黑咁去預早plan左會去o既食店, 21:40我地終於黎到哩間大邱排骨 又係哩d矮枱, 但另一邊有正常餐枱, 我當然搵張舒服凳坐 泡菜國好多食店都要最少2個人食, 唔夠2個都係charge2個, 所以右上角個排骨雖然寫住W9,000, 其實係人頭收費, 即係W18,000 哩餐夾埋食左W25,000 哩個排骨辣辣地都惹味, 不過都幾多肥膏同幾油下 哩個排骨湯就W7,000, 唔知係咪因為都夜, 所以都冇乜肉o係入面 因為只有排骨湯有跟飯, 所以我地又另外叫多個白飯(W1,000) 哩間店話係24hr營業, 好難想像20:00就已經冇路人o既市鎮會有一間24hr營業o既食店*0* 黎泡菜國點可以唔試佢o既朱古力奶, 因為佢地有好多唔同牌子o既朱古力奶, 所以食完晚飯就o係便利店GS25買左3包唔同味(一次過買3包有折, 共W3,000, 而因為我地張T-money卡係GS25出, 原來去返GS25買野, 部份商品再有折, 所以最後3包奶只係W2,700) 最後沖完涼訓得都已經0:00了