來自新加坡o既金鴨咸蛋薯片同魚皮哩幾個月o係香港都好hit, 但其實o係新加坡反而係Irvins咸蛋薯片/魚皮較多人買, 5間分店每朝10開門, 10:30已經賣晒, 仲每人限買5包, 所以作為一個新加坡媳婦, 一年都要返1,2次新加坡, 我都會順便賣下水貨當賺返d水腳錢 Irvins唔似金鴨咁o係香港有代理, 如果香港人想買, 除左買水貨外(一般mark up $40-70/包), 當然係去開新加坡旅遊時掃貨, 咁到底點先唔會撲個空?!就等我o係下面分享下 Ivins鴨蛋薯片/魚皮, 有分大包裝同細包裝, 兩款味道價錢一樣, 大包裝230g, 賣SG$16(約HK$90), 細包裝105g, 賣SG$8(約HK$46) 如果想買, 可以從下面4種方法買倒 第1就係網上預訂, 可以o係官網經email預訂, 但必定要有一個新加坡地址, 同埋要預早4至6星期訂, 費用會收貨時收取, 買夠SG$100可免費送貨, 每次最多可訂15包, 但哩個方法對於一般遊客可能冇乜用 (下圖就係我網上預訂的薯片/魚皮, 會以紙盒送黎) 第2可以去5間門市買, 詳細地址可睇返官網 5間門市都係10:00開門, 下面我會分享我o係其中一間門市買o既實況 我去左Orchard Gateway分店, 哩間門市o係商場入面, 我9:35去到, 已經見倒人龍分左3段, 相中係頭2段o係商場內 第3段o係商場外, 我9:35去到, 大約排到去商場玻璃門右手邊灰色條柱度, 到10:00時, 條人龍已經長到咁(到我10:30買完, 條人龍依然係差唔多咁長) 我地問左第2段較頭位置o既菲律賓姐姐, 佢地話8:00已經黎到, 但後佢幾個身位o既遊客就9:20黎到 其實10:00前, 店員已經開始準備, 你會見倒有好多箱薯片/魚皮 去到10:00, 店員已經拆左一半o既魚皮出黎 10:00開始, 店員就會開始派籌, 每人限買5包, 5包入面可以大/細包裝, 但無論大細, 總數都只可5包 人龍都算郁得快, 10:30已經排到我地了(其實即使商場外都用倒商場wifi, 所以上住網時間都好快過) 哩個時候, 我地又睇下銷售情況, 其實都仲有約一半魚皮/薯片淨, 但由於每人只可買5包, 所以可以想像大部份人都會買大包裝, 所以如果想買大包裝, 建議9:30至10:00黎到會較保險, 但如果細包都可以接受, 都可以10:30黎, 但遲過10:30仲有冇就唔敢包了 我地2個人, 當然亦買盡佢 第3個方法就係機場禁區入面買, Irvins門市每日只有10:00一轉貨, 賣完就冇, 機場每日就有5轉貨, 大約每2個鐘有一轉(我去過2次, 發現時間唔定, 建議入境同出境時都去望一望), 雖然貨量較多, 但一樣好多人排隊, 不過唔可以預訂左o係機場攞, 都係要排隊買, 每次最多買7包, 所以如果想o係機場買, 就最好早d入黎禁區了, 另外, 值得留意係, 入境新加坡係唔可以用免稅價買, 但你可以出境時去退稅, 出境先可以用SG$15買大包裝, 同SG$7.5買細包裝 第4個方法, 就係o係Orchard Rd o既Lucky Plaza買水貨, Orchard Rd就好似香港o既銅鑼灣咁, 聚集左好多菲律賓人, 而o係Lucky Plaza入面, 都有幾間由菲律賓人開o既零食店有賣咸蛋魚皮/薯片(主要集中o係商場2樓), 仲記得之前提到門市有好多姐姐排隊嗎? 哩度都有唔少Irvins薯片/魚皮現貨, 大細都有, 大包裝賣SG$18, 即係比門市貴SG$2(如果大批買有可能只貴SG$1.5), 細包裝賣$9, 如果唔想排隊, 或者食白果, 都可以o係度買 **注意, Irvins薯片/魚皮買滿SG$100, 一樣可以o係機場退稅, 如果o係機場禁區內買, 係可以以免稅價買