日期: 30/1/2017 難度: 3.5* 補給: 無 香港雖然地方細細,但有唔少地方風景都唔輸俾外國,除左手山綠水,仲有好多奇石,今次我就選擇去一探港島o既犀牛石 赤柱炮台->犀牛石->黃麻角道->赤柱廣場->馬坑公園->舂磡角道->舂磡角炮台->張保仔洞 ****************************** 9:30 o係西灣河集合後, 搭14號巴士(車費$8.9)去起步點 車程約30mins o係尾站赤柱炮台落車, 落車後會見倒哩個軍營 軍營旁邊有條樓梯就係入口位 點擊圖片放大 大約上左10mins樓梯就會見倒哩條標高柱, 柱o既右手邊有條小路行去犀牛石 點擊圖片放大 左手邊就係赤柱監獄 黎張全景圖吧 開始慢慢行落去 老鼠石 路雖然唔算難行, 但有時都要手腳並用 望返上去, 頭先個天仲好厚雲, 好難想像突然個天咁靚 終於見倒犀牛石了 點擊圖片放大 好靚的海水, 清到好似夏天咁 貧友好大膽, 行落犀牛鼻度影相 如果想上犀牛頭, 就要o係後面爬樹, 先上到石頂 行完犀牛石, 可以沿路行返去標高柱, 再經哩條路行返落黃麻角道 點擊圖片放大 睇落好似好斜, 不過其實d石好啜腳, 一d都唔跣 12:58終於行返落黃麻角道, 向右手邊一直行就可以出返去赤柱廣場 已經見倒美利樓 大約行15mins就去到赤柱市集 搵間茶記醫肚先 食完就向美利樓方向行 由於落雨, 所以我地唯有周圍hea陣, 等停雨先再行 14:47見雨細左, 就向馬坑公園進發 點擊圖片放大 向觀海庭方向行 上午仲藍天白雲, 下午已經成個海洋公園瀰漫一片仙氣 見倒哩間護養院即係就黎到炮台了 炮台 點擊圖片放大 炮台旁邊有條小路落去張保仔洞 要游繩先落倒去 點擊圖片放大 +2 下面就係張保仔洞 點擊圖片放大 睇完張保仔洞又要爬返上黎 上返黎之後可以經哩條樓梯上返去護養院 護養院門口唔單止有汽水機, 仲有得洗手同有紙巾抹手 沿住舂坎角道去到舂坎角海灘就有巴士出返赤柱/中環/北角, 16:39終於行完