啱啱過去嘅聖誕節,唔知大家食咗乜東東呢? 我就去咗位於灣仔嘅餐廳食意大利菜!成個過程大約3小時,真係好少會食咁長時間!等我介紹一下,究竟意大利菜除咗食意粉仲有乜好嘢食啦! 頭盤 海膽雀巢: 海膽被一片24個月嘅豬油包住,冇諗過原來24個月嘅豬油味道係咁甘香。鮮甜嘅海膽同豬油原來又幾match喎! 餐酒:Homemade Flavoured Ginger Ale 煎蘇格蘭蟶子皇伴魚子醬: 蘇格蘭蟶子皇非常厚肉,上面仲有魚子醬舖面!蟶子唔會過熟,入口帶有鮮味而且口感爽脆,配上魚子醬仲有少少鮮甜美添! 餐酒:Champagne Delamotte Brut, N.V. 嫩姜花蟹濃湯燉蛋:推介 有睇開港女食食食嘅朋友,都知道我係一個蟹痴!第一次飲呢款湯真係飲唔停口,好希望有侍應嘅手上,搶走嗰壼特龍蟹湯。飲嘅時候好似食緊成千上萬嘅蟹,根就唔係湯!係蟹精華!好正啊! 原來蟹味濃郁嘅秘訣,就係湯底係利用地中海海水烹調而成!難怪飲嘅時候會有濃郁嘅海水味!嗯嗯!好幸福耶! 餐酒:Champagne Delamotte Brut, N.V. 24個月巴馬臣芝士配意大利白松露意粉: 用原個24個月嘅巴馬臣芝士烹調而成!主廚喺我地面前,將酒倒喺超巨型芝士之上, 點火後將意粉炒熟,意粉上台後再加入白松露。 我覺得呢度菜創意一百分,客人有得睇有得食,氣氛超好!至於味道呢,每一極幼嘅意粉都被芝士汁包圍,不得不提配合超香濃嘅白松露,真係超高級嘅享受。 餐酒:Scanavino Barolo D.O.C.G, Piemonte, Italy, 2010 青檸雪葩: 食完味道濃郁嘅芝士意粉,就上一道青檸雪葩,作用就係令大家可以清清口腔。其實上面嘅食用泡沫真係好靚,而雪葩都非常清甜,唔會過酸!諗返起真係好回味啊! 主菜: 主菜有兩款選擇,一款係慢煮紅雕本法國龍蝦仔,另一款就係蘋果木煙燻法國血鴿 ! 蘋果木煙燻法國血鴿: 又要再讚一下廚師啦!因為每一道食物上枱都令客人覺得非常賞心悅目!而主菜就以青色嘅食材做伴碟,感覺好似法國嘅鴨仔喺草地上行走。 血鴿肉嫩而且充滿蘋果目嘅香氣,令人一口接一口。要提一提大家,旁邊嘅伴碟以至花朵,都係可以食用,一啲都唔浪費啊! 餐酒:Grant Burge 5th Generation Shiraz, Barossa Valley, Australia, 2014 芒果熱情果雪糕伴椰汁泡沫: 椰汁打成泡沫,再返喺芒果熱情果雪糕上面。食完濃味嘅血鴿,再嚟一道清甜嘅雪糕,成個感覺好match ! 餐酒:Araldica Dolce Moscato d’Asti D.O.C.G, Piemonte Italy, 2015 總括: 由頭盤至主菜,再到甜品都可以睇到主廚花上大量心思而設計。每一道菜喺選購食材上,都非常嚴格。例如蟹湯係利用地中海海水、巴馬芝士意粉又要配上白松露、你用蘋果目煙燻法國血鴿等等。跟仲要係每一道菜同每一道菜之間,都係咁和諧!而且,每碟食特都配上特別嘅wine,更見用心! 最後感謝主廚送上神秘嘅甜品!呢舊嘢,黑色好似炭咁,但原來扑碎佢之後係特濃朱古力,我覺得係女士都會鍾意! 點擊圖片放大 Palco Ristorante 地址:灣仔謝斐道盧押道23號 The Phoenix 2樓 營業時間:星期一至六及公眾假期: 12:00-14:30; 18:30-22:30 星期日: 休息