好耐無打blog 無辦法啦香港真係無乜特色食物平靚正!不過今次出post當然係有筍嘢開心Share 啦! 位於旺角始創中心附近,就有一間叫做Cocokitchen嘅餐廳,專食文昌海南雞。不過,日頭就推出$38起嘅午餐同埋下午茶餐!最吸引就係加$6可以無限添飲餐飲,$10就有一隻法國生蠔! 黑松露野菌意大利飯$38(免加一) 意大利飯有點硬身,黑松露味不夠重,不過味道夠咸,而飯嘅份量係好多!最吸引就係鋪喺意大利飯上面嘅大菇啊!入口超juicy,餸飯一流! 原來個南瓜雞扒飯$48 雞扒應該係炸過先拎去同南瓜煮,味道少許甜,整體感覺係健康,無乜太大感受。 餐湯 餐湯無得揀,只有水旺旺嘅忌廉湯,如果可以杰番少少就perfect池啦! 椰子菠蘿特飲$6(無限添飲) 套餐只跟餐湯,如果想飲凍熱飲就要加$6,不過只要加$6就可以無限添飲!其他選擇仲有咖啡奶茶檸檬茶、薄荷青靈梳打、菠蘿梳打、荔枝梳打! 而我選擇嘅椰子菠蘿特飲,味道上我會用「趣緻」嚟形容,只為入口飲到菠蘿嘅香甜味,但同時又飲到阿媽煲湯嗰種椰子味喎!飲品上又懸浮著椰子漿,一杯飲品三種味道兩種口感!趣緻趣緻! 法國生蠔$10(要收加一) 中午都可以食到$10 一隻生蠔,賣單嘅時候先至發現原來要收加一,不過即使$11隻都唔係好貴,而且有人幫你開埋。 味道上生蠔一啲都唔腥,唔濃唔淡,入口清新!唔可以同大型超市相提並論,不過一隻脹卜卜,夠哂厚肉!好抵食! 魔法梳打(價格不詳) 魔法梳打就係加入右邊白色汁液,就會有紫色變成粉紅色,幾得意嘅!味道就甜咗d,有小小檸味! 加前 加後 ======================== COCOKITCHEN 四季文昌 地址:旺角荔枝角道33號百匯軒地下及1樓全層 電話號碼:2499 2700 營業時間:星期一至日: 11:30-00:00 —————————————- Facebook page: https://facebook.com/Hkgyummyyummy/ Facebook Search:港女食食食 Youtube Channel: https://www.youtube.com/channel/UCZDciZKDSeFnVOqNSxdhvnA —————– 去片:https://youtu.be/UmhcJNf89e8