平到笑fusion 西班牙菜 早前走入西營盤逛逛,竟然發現一間隱世高質西班牙餐廳。一睇餐牌竟然發現中式饅頭、日式天婦羅,原來係集多國大成嘅fusion 西班牙菜,而且價錢都比一般西班牙菜廉價! Roasted Iberico Pork Ribs$268 豬肋骨用上了黑毛豬,先將生肉切件再慢煮12小時,過程中可以將肉汁鎖住,可以令豬肉變得更嫩滑。及後以叉燒醬及其他調味料醃制,再香煎一分鐘後以180度焗2分鐘即成。 Pardon pepper$72 餐廳所用嘅材料都係由西班牙直送,成本絕對唔平。西班牙小青椒亦都係由當地直送,收到後洗淨再拎去炸大約30秒,唔加上海鹽同炸蒜頭食得。小青椒最特別之處,就係清甜而不辣,加上炸蒜感覺有避風塘嘅味道! Plums Hansburger$82 小巧嘅漢堡用上黑毛豬梅頭心部份,而麵包就用上中式蒸饅頭。製作過程繁複,先將饅頭搽上牛油再香煎,然後將梅頭煎到七成熟,搽上中式海鮮醬再放入焗爐以180度焗2分鐘即成。原來黑毛豬只有三個星期大,所以肉質特別細緻。而成長過程中,幼豬只食橡果,所以比一般豬肉干淨,而且每咬一口都散發濃郁果香。 Tomato Tempura w/ Mozzarella $58 車厘茄天婦羅配上Mozzarella芝士,效果非常出眾!首先,不得不提係正宗嘅天婦羅炸漿,鬆脆外皮恍如於日本進食天婦羅,而車厘茄亦非常「爆汁」,大家進時要小心弄髒衣服。而更巧妙之處,在於車厘茄底部帶有少許Washabi ,清甜之中帶少許微辣,異常匹配! 豬肋骨肥瘦均勻,而較肥部分亦非常有咬口,與一般肥膏有異。進食過程亦非常多汁,每一口都充斥着濃郁豬味,$268亦有四枝黑毛豬肋骨,非常抵食! Sangria$58 品嚐西班牙菜又點少得飲埋西班牙果酒呢!每一間西班牙餐廳都有佢獨家調製嘅Sangria水果酒,餐廳所用嘅材料亦都非常多樣,有西班牙紅酒、橙酒、白蘭地、Gin、Rum及十多款原材料,醃製24小時再加上梳打及青蘋果粒,先可以送到客人枱上。入口先甜後甘,以Rum酒味最為突出,配上豬肋骨同時享用,絕對係一級享受! Chico Chica 地址 :西環西營盤第三街70號地下J舖 電話號碼:2517 9777 營業時間: 星期一至六: 12:00-14:30; 18:00-22:30 星期日: 12:00-15:15; 18:00-21:30 星期三: 休息