早兩個月試業好評如潮,令一眾馬友(包括我)以為馬鞍山都可以食好西!點知突然技術上有問題,餐廳消失咗!但喺星期一(16日),CJ Cafe突然又捲土重來喎!條條馬友都喺馬友谷介紹馬友去食!就等我試下先! 嚟到嘅時候係中午, 款式大概有十幾種啦, 唔算太多! 紐西蘭7安士西冷牛扒 $68 呢個薄牛扒都幾有牛味喎,不過上枱嘅時候,侍應建議食一啖牛,再食一啖蔬菜,再食一啖牛先有牛味喎! 但我覺得就咁食已經好夠味!薄牛扒嚟講算唔錯! 黑松露野菌炒意粉$52 呢個炒意粉就巴閉啦!每一條意粉到索晒味, 雖然我覺得黑松露嘅味道唔算特別香,但啲蒜頭、洋蔥同調味非常匹配,一碟意粉就睇得出廚師水平有幾高! 我下次一定會再去食! 叫多樣小食先!侍應就推介叫呢個 黑松露芝士薯條$58 上到枱其實有啲失望嘅!因為芝士味太濃烈,完全蓋過黑松露嘅味道。 不過薯條夠粗生,啖啖都係薯仔肉,但坦白講, 我覺得份量同價錢唔係好成比例啦! 試吓佢嘅特飲先!白桃水晶藍碟特飲(跟餐加$6) 飲嘅時候一定要攪勻, 如果唔係就唔夠甜,小小嘅白桃味,同埋好多蒟蒻,食落好QQ! 馬鞍山游泳池CJ Cafe 地址:馬鞍山鞍駿街33號 電話:26613288 營業時間:星期一至日: 1100-2000 —————————————- Facebook page: https://facebook.com/Hkgyummyyummy/videos/1076053495799942/ Youtube Channel:https://www.youtube.com/channel/UCZDciZKDSeFnVOqNSxdhvnA -----------------