韓國人真係好食得辣,如果去過韓國旅行,你會見到佢地食青椒配燒肉。而且經當會用辣椒醬拌飯、煮嘢同醃食物等等。今時今日,要喺香港食正宗嘅韓國菜其實唔難,不過想食地道韓式住家菜就要睇下以下介紹啦! 位於大圍屋村嘅Sister Korea Cafe真係來頭不少!店主除咗係韓國人,就連用嘅爐具、食材都係韓國空運到港。店主表示,香港嘅爐具冇韓國嘅猛火,要韓國製先可以帶出地道風味喎!難怪餐廳經常大排長龍,店主嘅堅持同執著就係成功原因! *全港首先引入 漢拿山芝士蛋溶岩豚肉炒飯($128) 呢個係我嘅重點推介,炒飯帶有韓式辣醬嘅香味,但只屬微辣。 當所有材料準備好,韓國姐姐就會過嚟幫你炒飯,配料有洋蔥、蘿蔔、豬肉,口感十分豐富! 最令我印象深刻係蛋同芝士非常搭配,每一口都混合兩種食材嘅味道!更值一提係炒飯帶有飯焦,無論口感、香味都係爆哂分,令人一口接一口,一試難忘! 辣度:★★ 推薦度:★★★★★ *全港首先引入 亞之媽街頭炒豬什錦($168) 豬什錦配料同樣豐富,有來自韓國嘅豬腸、魚糕、米飯、粉絲等。負責人表示當年打仗,屋企冇乜嘢食,父母會用食剩嘅食物煮埋一煲。所以呢道菜可以講係每個韓國媽媽嘅拿手小菜,就算去到韓國餐廳都未必食到! 呢味豬什錦特別啱鐘意食辣嘅朋友仔,食一口會感覺小小甜但辣味就慢慢從後而上,而且愈食愈辣!我咁食得辣都係挑戰一半就失敗啦! 辣度:★★★★ 推薦度:★★★★ *全港首先引入 火山脆皮豆腐($48) 流心奶得包就食得多,流心豆腐你又食過未?呢款豆腐外皮非常鬆脆,咬時仲會發出爽脆嘅聲音!豆腐亦十分清甜,入口即化,畀人一種流心嘅感覺!店主話其實脆皮豆腐係為小朋友同它人而設,除咗唔辣亦唔需要太多咀嚼,又一款窩心住家小菜,令人仿如置身阿珠媽嘅懷抱! 辣度:★ 推薦度:★★★★★ 韓式火辣醬爆汁炸雞5件($42) 韓式炸雞大家食得多,咁點解要嚟Sister Korea Cafe食呢?呢到嘅炸雞唔單止鬆脆,而且係用左雞肉比較瘦嘅部分!食起上嚟好實但唔鞋口,即使係炸物都唔會咁肥!味道方面偏方酸甜,小朋友都啱食! 辣度:★ 推薦度:★★★★ 忌廉插抽子沙冰($38) 飲過呢杯忌廉抽子沙冰先知道忌廉同柚子係咁夾,而且味道清新!食完辣嘢再飲一啖立即有透心涼嘅感覺!而且價錢比出面平一半,大食妹誠意推薦大家試下! 推薦度:★★★ 韓國菠蘿冰($58) 韓國菠蘿冰又一味道上嘅衝擊!平日喺街上買嘅菠蘿飲品感覺似罐頭糖水,但呢杯菠蘿冰不單上造型特別,每一啖口更加充滿啖啖鮮果肉,亦唔會太甜! 推薦度:★★★★★ 食完呢個住家韓國菜,除咗覺得好地道、好味道,更加感受到一份情懷。即使東主隻身嚟到香港,亦不忘家鄉同身在遠方嘅家人。因此將從小到大嘅味道帶畀香港人,我著重食物嘅味道,但更著重廚師嘅心,一份食物嘅靈魂就取決於煮食者有否用心鑽研食物烹調方法,以及烹調過程對食物嘅執著。 呢一餐飯實在令人感動,希望喺香港呢片彈丸之地,可以繼續品嚐到各國廚師嘅心! Sister Korea Cafe 地址:大圍翠田街2號新翠商場地下17,18 &18A號舖 營業時間:星期一至日: 11:30-23:00 電話:2596 0018