雖然內地美食多,但有時都唔可以太離地,香港都有好多好嘢食嘅!就喺香港人流最多嘅旺角就開咗呢間食歐陸菜嘅餐廳--Urban Cafe Commune。其實今次係第二次幫襯,上次食係上年7月打風,因為無街行就隨便喺商場內坐低食嘢。 當時第一眼望倒餐廳就覺得「點解會喺呢嗰位有餐廳嘅?又似好特別喎!」 結果第一次食係坐喺側邊卡位,可以望哂成商場而且空間闊綽,淨係睇個景都贏哂啦! 而今次嚟係星期五,8點左右嚟到等咗大半個鐘先有位!其實可以話幸運,因為前面有3枱客人走咗先咁快,如果唔係應該要等1個鐘以上,所以想食好西真係愈早愈好! 餐廳設計都幾有心思,呢邊係廚房位,可以見倒香草雞啦,麵包咁。雖然麵包好吸引,但窮港女表示20-30HKD一個包真係貴貴地,就連薯片都貴過7-11。 排隊時會見倒呢幾款Cake,真係幾靚!好想食! 可供選擇不多,連加一平均消費180HKD左右。 餐湯次次都係龍蝦湯,餐飲就一定係凍桃茶。 一碗有兩粒龍蝦肉。 凍桃茶唔會太甜,BTW我估都係開粉沖,所以屬普通料。 其實枱枱都叫雞,但上次食過所以今次無再叫。講真隻雖然話半隻雞,但都好大份再加埋薯條真係兩個人都食唔哂。講下隻雞先,面頭鋪滿哂香草不特上而且內層雞肉都有好香嘅香草味。唔似其他地方得表層有味,食到入面就白灼雞咁。雖然香,不過啲肉就幾鞋啦! URBAN 3小時慢烤法國肥雞1/2 (7.5/10) 鵝肝和牛漢堡(8.5/10)係我地再次蒞臨嘅主因! 中間一層厚厚嘅鵝肝入口即化,鵝肝香味喺口腔內徘徊。而且牛味極重之餘仲加入咗大量香草同胡椒!一個漢堡味道都可以咁豐富,的確值得番Check!另外麵包塗上一照燒汁,所以食完都唔會非常口乾。 上次試過肥雞,今次就試下59.5ºC慢煮烤牛肉。餐湯未上就已經到咗,可以話煮好之後一直放住。但相比起肥雞,牛肉份量真在小得多啦! 不過切開都有驚喜,牛肉非常諗,帶有淡淡牛香味,ok啦! 不得不題佢嘅薯蓉,十分Creamy之餘食得到粒粒幼細嘅薯仔,份量大足以飽肚。 由於門外蛋糕賣相吸引,真係忍唔住要食番件!賣相100分,但食落口又唔太特別,針筒內嘅士多啤梨汁又太少。不過不失啦! Bloody Berry(6/10) 下次要食更多好西! Facebook: https://www.facebook.com/Hkgyummyyummy/