近日發現長沙灣原來都係一個隱世美食天堂,除左芝士雞煲仲有勁出名既大中華飯店!大中華飯店最出名係乜?當然係豬手同土匪雞啦!而小編都發現佢既佢既南乳吊燒鱔真係好正,鐘意食魚食鱔既人一定要試! 先黎餐牌! 酒水要行出去出面買嫁! 點擊圖片放大 +9 超級大隻豬手!上枱時仲出僅煙嫁! 同一隻手掌一樣咁大! 好諗好諗呀!非常容易切開!一隻豬手咁大,3個人食岩岩好! 豬皮入口即化,整體味道唔會太咸!小二,黎多碗白飯唔該! 呢個就係南乳吊燒鱔啦!旁邊既當然係南乳醬,而佢出色之處,除左係鱔肉多汁同超滑。仲有係佢已炸槳都係落左南乳嫁!一咬好似跌入南乳瀑布到,好爽呀!仲有,佢炸槳好薄! 第二次去食,有啲失望,個皮厚左! 蜆肉都幾甜,而且都幾大隻,比個合格你啦。 九肚魚 普通料,唔會話非常值得去食 臘味煲仔飯 飯炒到乾身 臘腸唔會太咸,而且係用2種味既臘腸嫁!味道唔會單一化!最吸引係飯雖然乾,咬落去脆脆地地,再配合勁多水份既大葱。係我食過既糯米飯入面,算數一數二既! 超級巨煲!!份量好多!性價比超高 PS後面隻狗狗SO CUTE!! 花生,腊肉,腊腸,大蔥,足料之餘更顯師傅功架 由於兩次都係3個人食,所以試唔得多,加上豬手、同鱔真係值得一食!期望下次食佢馳名既冰鎮墨魚、琵琶豆腐!! 餐廳資訊 地址:長沙灣福榮街539號地下(長沙灣站 B 出口) 電話 :9045 4863 / 6096 0082(記得訂位呀!假日訂左都要等嫁) 星期一至日:18:00-01:00