早兩日放假去做facial,距離上次做已經有兩個星期 今日去到美容師話我塊面好乾,我諗多數係洗面奶問題,因為洗得太乾淨抽乾面上水份 入到去都係先洗面,洗完面發現下巴勁多瘡!!!今次係我廿幾數人出瘡最勁一次,轉左新工食唔停 然後做果酸,事關一早join 左plan,仲要有野送,皮膚一直有改善只係飲食方面要更戒口 做完果酸,底層粉刺黑頭出哂黎,好核突!!! 今次唔止針清,淺層粉刺暗粒就用真空吸管吸出黎,吸既時間又幾舒服喎! 以上只係一小部分,一邊吸一邊抹走左好多,真係好污漕! 點解深層清潔要去美容院?有得解! 點擊圖片放大 大毒瘡有兩個頭,其中一個挑到出黎,另一個就要多小小時間啦,好多血,好可怕!美容師話牛肉、朱古力、炸野唔好食咁多,因為食得多下巴暗粒會變左大瘡....唉呢啲我日日都食 準備敷補濕mask! 做完感覺面部乾淨左,搽野吸收左。有時候唔一定要去大美容院做機先有用。經驗同技巧先係美容院選擇理由。有人會話邊做邊影咁crazy,因為我都想睇下我合埋眼呢90分鐘,美容師做左咩令我塊面有咁大改變! 純分享,我唔係靚女,皮膚亦dirty,圖片嚇親大家唔好意思。但各位做facial時真係要知自己做僅乜,唔好有人隨便打黎,join plan覺得有做就皮膚靚,都要睇下自己做僅乜!