SPD4459 小編今日帶大家到大埔墟搵食!小編住大埔多年,大埔的確係一個好地方!除咗環境優美,鳥語花香,地靈人傑,極多美食之外,呢個地方亦充滿了人情味。 今次SPD4459 小編帶大家黎到大埔墟街市及熟食市場搵食。呢棟大樓有「大埔會展」嘅美譽!當年落成嘅時候,因為外形前衛,又同灣仔會展外形都幾相似,裡面又有街市,熟食市場,體育館,圖書館等等,包羅萬有,所以我地朋友之間都叫呢度做大埔會展。 #SPD4459 #SPD4459 #SPD4459 #SPD4459 #SPD4459 #SPD4459 #SPD4459 第一站-滑嘟嘟糯米糍 #SPD4459 #SPD4459 #SPD4459 #SPD4459 #SPD4459 #SPD4459 #SPD4459 #SPD4459 滑嘟嘟原本係廣福道,但小店不敵貴租最後結業了...經過老闆娘一番努力後,新店終於係熟食市場重開!!! 只睇糯米糍嘅外表已贏哂!每粒都脹卜卜圓碌碌,好吸引,流哂口水...見到都想一啖食咗佢!糯米糍即叫即做,非常新鮮。SPD4459 小編非常好彩,去到等咗陣就買到,平時很早就售罄。當日SPD4459 小編去到竟然未售罄,首先就衝去拎籌先,等咗大約10分鐘然後落單,有三粒裝同六粒裝,小編選擇了六粒裝,好野梗係要同屋企人開心share. #SPD4459 #SPD4459 #SPD4459 #SPD4459 #SPD4459 #SPD4459 #SPD4459 #SPD4459 #SPD4459 #SPD4459 #SPD4459 #SPD4459 #SPD4459 #SPD4459 #SPD4459 #SPD4459 SPD4459 小編望住圓碌碌嘅糯米糍覺得好治癒!! 等待嘅時候睇住老闆娘純熟地包糯米糍,好快手!不需一分鐘已經包好一粒白雪雪,脹卜卜的糯米糍了! 糯米糍三步曲~ 先刮起糯米團 搓糯米團+麵粉 包餡料,完成 餡料係花生溝芝麻,炒得好香口,細心的老闆娘為符合大家嘅口味,餡料是低糖的。皮薄軟林林,餡料好香口好足料,食過翻尋味,如果外皮再煙韌一些,更好吃! #SPD4459 #SPD4459 #SPD4459 #SPD4459 #SPD4459 #SPD4459 #SPD4459 #SPD4459 除咗糯米糍之後,仲有芋圓,糖水賣,除咗熱嘅糖水仲有凍嘅支裝糖水,好細心~ #SPD4459 #SPD4459 #SPD4459 #SPD4459 #SPD4459 #SPD4459 #SPD4459 #SPD4459 #SPD4459 #SPD4459 #SPD4459 #SPD4459 #SPD4459 #SPD4459 #SPD4459 #SPD4459 呢度好有人情味,老闆娘會同大家閒話家常傾偈,好似朋友咁。當日有街坊去到知道芋圓已售罄,老闆娘知道有街坊買唔到想吃的,即刻好細心咁話佢地知咩時間,點樣搵到佢,點樣預訂,之後仲可以拎俾佢地。呢種人情味,唔係度度可以搵到。 第二站-樹記腐竹雪條 第二站去樹記,樹記賣好多豆品類,腐竹支竹啊,腐皮啊,豆漿啊,咩豆類製品都有,所以樹記門外常常都排長龍。 腐竹雪條係樹記首創,SPD4459 小編當然唔會錯過。有朱古力同抹茶味2款選擇。朱古力脆皮包住腐竹雪糕,皮好脆,雪糕的腐竹味淡淡的好清但無被朱古力味蓋過,好味!但$20一條,SPD4459 小編覺得貴咗些少。 #SPD4459 #SPD4459 #SPD4459 #SPD4459 #SPD4459 #SPD4459 #SPD4459 #SPD4459 另外,SPD4459 小編的屋企人喜愛樹記的響鈴,好新鮮好脆,完全無油膩感,好香豆味,打邊爐一流! 大埔真係一個好有人情味嘅地方,當日SPD4459 小編前面有位婆婆搵唔到散銀而駐足好耐,佢不停講唔好意思,店員聽到就話唔緊要,慢慢黎,呢位婆婆走嘅時候仲同後面排隊嘅人講唔好意思。如果係其他地方,可能已經有人反白眼了... 第三站-亞婆豆腐花 再黎下一站,呢個必食!黎到大埔點可以唔黎食亞婆豆腐花呢,每次黎到都排長龍。豆腐花好滑,黃糖要幾多自己落,好香甜,有豆味。SPD4459 小編之前試過凍的豆腐花還是有點暖,因為太多人食豆腐花,雪唔切,但店員們都會先話俾我地知唔係好夠凍。呢度可外賣或堂食,因為堂食位置唔多,所以大家都拎住碗豆腐花企係外面食,食完就歸還個碗俾店員,亞婆豆腐花用嘅碗好有傳統特色。 #SPD4459 #SPD4459 #SPD4459 #SPD4459 #SPD4459 #SPD4459 #SPD4459 #SPD4459 尾站-三哥蛋撻 黎到最後一站已經好飽,但都要食個蛋撻先至係畫上完美句號。蛋撻新鮮出爐熱辣辣,曲奇皮好脆好香口,皮唔厚,邊皮有少少燶特別脆! 蛋漿香甜厚厚的,入口綿綿的,好滿足。$4一個,性價比高!蛋撻好好賣,好多時係接近黃昏時間就賣哂,大家要食就趁早品嚐啦~ #SPD4459 #SPD4459 #SPD4459 #SPD4459 #SPD4459 #SPD4459 #SPD4459 #SPD4459 今次帶大家食到呢度,大埔仲有好多好多好多好野食,例如饑落亭(即係大埔陳根記,聽聞饑落亭呢個名係老細囝囝個名黎嘅),陳漢記(好多明星黎呢度食,而苗僑偉三哥仲係呢度嘅常客),華輝 (電影<那夜凌晨,我坐上了旺角開往大埔的紅 Van> 裡面嘅拍攝場地),三小姐,生煎包等等,多到未能一一盡錄呢。 下次有機會再同大家介紹 =) 作者:SPD4459 – A級搵食團-萌妹Kristy (等級:一級伙頭兵) – 我們是POLYU SPEED (SPD4459 -Internet Marketing and Public Relations ) 的Part-Time 學生,最喜歡瓹竉瓹罅找尋香港性價比高的地道小食,中西美食! 如果你想跟我們一起食盡香港的美菜佳餚,記得緊貼我們,向美食出發!