大家知唔知路得圍係邊?係荃灣住的朋友應該都知道路德圍係荃灣的搵食熱點!今次 SPD4459 小編就帶大家去路德圍搵食,睇吓路德圍有咩好食?每次去路德圍,內心掙扎都好耐先可以決定應該去邊間?畢竟,胃得一個,又唔可以樣樣都食! 山西刀削麵皇 首先,SPD4459小編好鍾意呢間山西刀削麵。即叫即削 ... 個師傅揸住舊麵粉喺度削俾你食,真材實料。SPD4459小編亦好喜歡佢哋自家製嘅辣椒醬配埋勁多蒜蓉,配任何選擇:如雞翼,菜肉雲吞,鴨腎,大腸牛肚之類的食材都引人口水直流(如果你鍾意食辣)。 點擊圖片放大 +2 山西刀削麵皇 地址: 荃灣沙咀道245號坤德樓地下 營業時間 10:30 - 22:00 雄記牛腩粉麵 另外,SPD4459小編亦好鍾意旁邊嘅雄記牛腩粉麵。舊式店舖,呢度獨有嘅自家製魚肉春卷,聽聞係每日新鮮製造,好大條,成條牛俐酥咁,每日限量供應的!十元一條,好過食嗰啲買一送一嘅魚蛋燒賣! 雄記牛腩粉麵 地址: 荃灣荃興徑17號C地下 營業時間 11:00 - 01:00 東京站雞蛋仔 SPD4459小编最鍾意去東京站買雞蛋仔食。小編認為雞蛋仔要做得好食,必須要符合以下三個原則:脆,香,味道唔太甜。東京站都控制到好好。最重要係平,可以買兩底。一底即食,另一底同屋企人分享。用焗爐返熱,一樣又脆又香。 點擊圖片放大 東京站雞蛋仔 地址: 荃灣大河道22-28號榮安大廈地下 營業時間 11:30 - 22:00 口福堂 如果想坐得舒服啲,可以去地皇廣場一樓「口福堂」嘅日式鰻魚蛋包飯。幾十蚊有大大條鰻魚,有炒蛋,重有櫻花蝦加入珍珠米來煮出來嘅飯。鰻魚野味,再加蛋香,配埋日式醬汁。而且非常抵食! 點擊圖片放大 口福堂 地址: 荃灣大河道18號地皇廣場1樓大食王美食廣場7號舖 營業時間 12:00 - 22:00 贊和豆品 最後一定是甜品,贊和豆品屹立係路德圍超過五年,和另一方戰火一直燃燒,從未熄滅。3元一碗豆腐花,黃糖,糖水,薑水全自助,想吃多甜自己決定。 味道方面,豆味重,夠香又滑溜。唔係唔食嘛? 贊和豆品 地址: 荃灣荃興徑6號昌泰大廈地下5A舖 營業時間 11:00 - 00:30 荃灣路得圍 - 港鐵荃灣站 A1 出口, 步行約4分鐘 作者: SPD4459 A級搵食團 – 方中SIR Henry ( 等級:美食總司令 ) – 我們是POLYU SPEED ( SPD4459 - Internet Marketing and Public Relations ) 的 Part-Time 學生,最喜歡瓹竉瓹罅找尋香港性價比高的地道小食,中西美食!如果你想跟我們一起食盡香港的美菜佳餚,記得緊貼我們,向美食出發!