多左時間係屋企確實會下廚多左,但人總有懶惰既時候~熝公仔麵雖然快靚正,但始終唔健康~ 自從識整呢個油封蕃茄,只要煮個意粉再加幾羹,成個意粉既味道即時高級左! 懶既時候煮個麵就撈油封蕃茄黎食~ 叫得做萬用醬我當然唔止撈意粉既時候先用啦! 如果早餐食厭左查果jam,呢個時候我就會加D油封蕃茄挾麵包食,個人覺得加入法棍同上次整既意式香草麵包都好挾! 炒飯煮餸既時候唔知落咩調味,我又會落幾羹油封蕃茄當調味料。當唔知煮咩既時候我會懶到直接用佢黎送飯。想懶係健康既時候就會洗d蔬菜,再加d油封蕃茄用黎拌沙律~ 最鐘意炒椰菜花飯既時候用黎調味~ 呢個萬用醬真係唔止做法簡單又好味, 仲要夠哂健康!蕃茄入面既茄紅素都比油封住,既抗氧化又可以瘦身! 仲可以解決一下子買太多蕃茄怕壞既保存問題~整完放雪櫃可以放成個月架,但我通常唔駛一星期就清哂。。。:p 呢個weekend一於整返樽放雪櫃旁身啦! 有興趣可以睇片試整,純分享,非教學。 材料如下 Ingredients: 600克小蕃茄 (聖女果) 600g Cherry Tomatoes 1-2 湯匙鹽 1-2Tbsp Salt 1-2 湯匙黑胡椒 1-2Tbsp Black pepper 1-2 湯匙巴西里 1-2Tbsp Parsley 1-2 湯匙蒜末 1-2Tbsp Minced Garlic 4-5 湯匙橄欖油 4-5Tbsp Olive Oil 3-4 支新鮮迷迭香 (可省減或使用其他香草) 3-4 Springs Fresh Rosemary (Optional) 適量橄欖油 (視乎器皿容量, 以可蓋過聖女果為準) Appropriate amount of Olive Oil (Depend on the size of container, at least have to cover the cherry tomatoes) *以上調味份量僅供参考, 可根據個人喜好稍作調整~ *Seasonings amount are just for reference, feel free to adjust according to your own flavor~ https://youtu.be/Qy8lXuRcKyQ IG: https://instagram.com/sweet_potato_mui?igshid=vl5lahd6ycx0 FB: https://www.facebook.com/蕃薯妹sweet-potato-mui-100899004763483/