各位好呀!好耐冇update咁…哈哈! 黎緊我會出發南美呀,真係發夢都估唔到自己會去亞瑪遜森林同馬丘比丘!去呢D高危地方旅行,記得要去打預防針!因為有機會入境時要求你出示,二來聽完醫生講解後,真係覺得好容易會中招或死亡!我當場被他嚇到了。 首先我分享下打針的流程,有一點超級無敵重要的一環一定要注意! 一定要早D預約去打預防針! 一定要早D預約去打預防針! 一定要早D預約去打預防針! 講三次係因為我下個月出發,今個月先預約,原來係會冇位的!預約勁Full,記得早幾個月就去預約,本身我們打算如果不能打針就放棄那邊行程,幸好等了半個多月,終於收到姑娘的電話可以打針,終於鬆一口氣。 另外打預防針全香港只有兩個地方可以打,都係政府的旅遊健康中心(衛生署)可以打,以下資料可參考:https://www.travelhealth.gov.hk/tc…/contactus/contactus.html **注意私家是冇得打的 一去到長沙灣政府合署,原來要經過死亡登記署才能進入,開頭都找不到那個門口了……推開那度”未經淮可, 不能進入”的門後,就來到打針的地方。 點擊圖片放大 +2 先填了一份表格,內容大約一些個人資料,出發地方,有沒有藥物或病的問卷,填好後交出身份證,就可以等待醫生叫名。 點擊圖片放大 醫生應該一日講左1000次同一番說話,快到我只隱約聽到重點,大約都係話我去果到係好高危,比蚊針都有機會染病死,跟住佢會推介一系列的針同藥比我地選擇打唔打或者要唔要食,好多都有副作用,有d藥仲要番黎香港持續食多1個月,又不能曬太陽等等。 第二重點:打針的當天及之後一星期都不要吃藥!尤其打針那天,無論你中藥西藥都不要吃,因為醫生會怕你有撞左而拒絕同你打針的。 最後我們選擇打三枝:黃熱針(一定要)、傷寒針和甲型肝炎針。因為那邊除了蚊叮蟲咬,水的衛生程度都是其中一個要關注的。另外我們配了高山症藥,以備不時之需。 醫生講解後就要到窗口交錢,請帶備足夠現金,因為只收現金同支票,付款後就可以等打針了。 由於我是朋友中最後打針的,之前聽佢地講打完會手痛,四肢無力等等,而姑娘都有講打完後會有機會發燒或肌肉痛,幸好今天第二天,還沒有出現以上的徵狀。 打針後會有一張證明書,針卡和一些小冊子,姑娘還好好人地教我們注意事項和選擇那一種蚊怕水比較好,而我啱啱買左隻DEET 50%既蚊怕水,到時睇下咩環境再同大家分享下! ------------------------------------ ➟Follow my IG: https://www.instagram.com/sunshinetomob/ ➟Website: http://sunshinetomob.com ------------------------------------ ▼摩洛哥 -撒哈拉沙漠團行程體驗 https://bit.ly/2VMMPHO ▼摩洛哥 –羊上樹奇景 https://bit.ly/2SwI0gh ▼摩洛哥 – Essaouira旅程續篇-到過一定會愛上這地方 https://bit.ly/2LfVoFe