岩岩去完泰團華欣!比我想像之中的 好玩!! 之後出發前有朋友知道我會係華欣逗留 4日,都講定我應該會好悶! 咁我本身都有心理準備會HEA到出菇! 畢竟去旅行HEA 下HEA下,唔洗追趕旅程都幾好丫! 但原來華欣都好好玩架!! 以下有幾個地方我覺得好值得去玩下!! 1) Floating Market @Hua Hin "亞洲最大的 水上市場" 首先係要付入場費架!! 入場費(200 銖) 包埋可坐觀光船 (營業時間 早上 9點 到 下午 6 點) 依個地方其實係圍住一個人工湖行! 一度行都有好多小商舖,無論係賣紀念品,手工工藝品, 又最多都係係食 Big Bowl 麵嘅檔! 最特別就係沿路都有一條火車鐵路, 因為定時定候都有 一架觀光火車經過 (所以影相時候都要小心啊!!) D 小食攤檔好多都係傳統泰國小食, 我黎到無特別試好多野食, 飲左一杯 thai milk tea... (好甜啊....) 味道不錯, 同香港地道奶茶唔同 所以黎到泰國, 叫佢地 "挽LOY" = 少甜啊!! 因為好多野食飲品,都加左好多糖! 點擊圖片放大 依度好悠閒就可以過到半日!! 值得推介呢! ตลาดน้ำหัวหินสามพันนาม 88/8 ม.13 ถ.หนองหอยทับใต้ต.ทับใต้อ.หัวหินจ.ประจวบคีรีขันธ์ โทร 032-900-111, 081-457-8888 2) Plearn Wan @Hua Hin (華欣老街) 依個地方真係意外收穫! 點解?? 因為當日先決定去依度行下!睇相好似幾靚咁, 所以就同司機講佢依度啦 距離市中心都有接近 20-25分鐘車站架! 點知去到!! 嘩, 比想像中靚,而且又多景點影下相! 返到黎香港先同朋友分享下依個地方,好多去過華欣都唔知有依個地方 依度呢,打正旗號係 "老街", 所以好多擺設都係 走懷舊風 點擊圖片放大 +2 一度行, 都會有好多打卡點 又有好多特色小食攤檔!!! 特別推介係 依個 "芒果糯米飯" 係我生平食過咁多次最好食GE一次啊!!!!!!! 因為D 攤檔係無名, 就算有..都係泰文, 所以好難話到俾大家知係邊檔 但個位置係 (正門一入....沿住左邊行...去到後面位置, 就有個女仔賣架喇!" 即叫即製作!! 新鮮芒果即場切! yummy !!!!!!! 必試啊!! 如果黃昏黎依度, 就最好不過!因為有個黃昏日落, 影埋個摩天輪,構圖一流啊! 同埋成條老街都好多靚招牌俾人任影! 非常值得黎影相啊!! 地址: ระหว่างซอยหัวหิน 34 – 40 ถ.เพชรเกษม อ.หัวหิน Prachuap Khiri Khan 77110泰國 時間: 1000 - 2200 ************************************************************ 以下途徑都會睇到我D分享啊! UBlog: https://blog.ulifestyle.com.hk/blogger/sunnydaygogogo/ Blogger: http://sunnydaygogogo.blogspot.hk/ Facebook Page: https://www.facebook.com/%E6%99%B4%E5%A4%A9%E5%87%BA%E7%99%BCgogogo-154832198282674/