新屋第一樣要添置的家品,我第一樣野就諗「垃圾桶」! 其實有一個合適垃圾桶對成間屋都係好緊要架,因為垃圾桶係放置垃圾,即係臭味來源,而且又會引起衛生問題啊,影響屋企成個感覺唔美觀等等… 所以呢,我對揀垃圾桶要求都幾高,而我咁岩又搵到一個好理想o既垃圾桶! 講下我要求先: 1) 要油壓,靜音緩降 (因為成日開蓋合蓋個下聲音,真係好心煩氣躁:P) 2) 不秀鋼 ,無指紋 (放係廚房,蓋面或個垃圾桶身好容易吸油,之後會變得痴笠笠,諗起都唔鍾意) 3) 慳位 (因為廚房放垃圾桶個位偏窄,真係要搵個岩岩好大細o既size) 4) 保持開蓋 (如果踩一下個蓋係長期打開,方便日後煮飯啊!!) 我揀選o既垃圾桶,佢SIZE唔可以擋到隔離個雪櫃,又要同後面o既洗衣機長度一樣!(係咪好多要求呢...哈哈!!) 雖然一件小小家具,我都咁有要求,以為都好難搵啦! 點知係淘寶俾我搵到!實在太開心喇!而且價錢合理(係香港大型百貨公司,同款都一定貴3倍價錢!),而且質料真係好! 另外重有一個功能就係,佢係有一個垃圾袋收納扣位,等個垃圾袋唔好滑落黎。成個垃圾桶唯一唔好處就係,個垃圾桶係 12L,唔算好大。不過足夠2-3人家庭使用! 點擊圖片放大 重有其他款架,大家有興趣都可以留email / PM我,我可以同大家share下啊! :D 買到一個心儀垃圾桶,唔單止無令成個感覺污漕, 反而令個廚房又變得現代化左! 正! ************************************************************************ 以下途徑都會睇到我D分享啊! UBlog: https://blog.ulifestyle.com.hk/blogger/sunnydaygogogo/ Blogger: http://sunnydaygogogo.blogspot.hk/ Facebook Page: https://www.facebook.com/%E6%99%B4%E5%A4%A9%E5%87%BA%E7%99%BCgogogo-154832198282674/ 生活易 WOW: http://wow.esdlife.com/sunnydaygogogo