就黎4月復活節假期,身邊好多朋友都問我東京有咩好玩,我第一時間就諗起,三鷹之森吉卜力美術館! 位於日本東京都三鷹市的動畫美術館,館主是身兼作家、漫畫家、動畫導演的宮崎駿。裡面介紹好多動畫o既原理、原始的動畫片展示,重現製作工作室的場景,亦可以睇到歷年吉卜力作品o既原稿等資料,非常值得一去!尤其係宮崎駿Fans, 都係必去地方! 今年1月尾,我就去左參觀喇!其實有兩個去法,一個就係三鷹 JR站搭巴士,另一個方法就係,由吉祥寺出發,搭車或經由井之頭恩賜公園行過去(25mins)又得。而我今次就係一早係吉祥寺行一陣,中午時分就散步行下井之頭恩賜公園,沿住指示牌,就好快黎到三鷹之森吉卜力美術館喇! 井之頭恩賜公園真係好舒服架~所以非常推薦,由公園行去美術館! 公園周不時都有提供地圖,清楚指示點樣行去美術館,所以都唔怕迷路! 由於係網上預先訂飛,就好方便咁派隊入場得嚕! 係網上睇過,好多人都建議,最好預先係網上訂左飛,先好前往參觀!因此每日參觀人數都有限,時間亦都有規定!如有興趣了解,comment 問我吧,依度唔多介紹了:D 依度一草一木都由館主宮崎駿有分策劃!可見真係精心設計~~ 門口有個龍貓售票員歡迎你。熱門影相地點!唔好錯過啊~ 宮崎駿館主有野講:總之就話裡面攝影是不許可!大家要留意了! 展館依個模型都好多人影相架!記載要去喇! 點擊圖片放大 其實今次參觀o既最大得著,係獲得依張,獨一無二門票!因為展館每次發放門票都唔同,而且係用宮崎駿動畫底片去製成,超值得收藏!一張票,可以到映像廳「土星座」睇一次10-15mins電影,而聽聞電影只係三鷹之森吉卜力美術館播放,出面係無得睇架! 大家有機會,都可以去啊~ 值得一去!:) 晴天出發GOGOGO Blog: http://sunnydaygogogo.blogspot.hk/