HELLO,大家好,我係阿糖,台灣係香港人鍾意去既地方之一,而今次我想同大家分享既就係台北既靚靚cafe。 首先講下呢間cafe既背景先啦,係由台灣藝人吳宗憲女兒所開既無聊咖啡AMBI-CAFE 講真我本身對呢間cafe期望唔大,只係覺得可以hea下/影下相咁,食物心諗一定一般,又係好睇唔好食,而且我本身仲唔鍾意食甜品tim。 我當日大約16:00左右到啦,叫左一件期間限定既獨角獸的奇幻樂園(伯爵茶蛋糕)+鬼靈精綠茶蛋糕,點知我食第一啖伯爵茶蛋糕之後,嘩左一聲,竟然好好味,蛋糕好鬆軟,有淡淡茶香,而且有藍莓cream,感覺一d都唔溜,重點係佢只有小小甜味,我自己一個竟然可以清曬,平時既甜品,我一定食唔曬。 而另一款鬼靈精綠茶蛋糕,我覺得就比較甜啦,比左j先生食(佢最鍾意甜…),佢話好重綠茶味,好鬆軟,鍾意食綠茶既朋友可以一試︿︿ 而場內有多個影相位嫁︿︿ 點擊圖片放大 +5 位置:台北市大安區敦化南路一段187巷37號B1 (忠孝敦化站2號出口,走過第一條巷再左轉直行就見到啦) 營業時間:11:00-23:30 價錢:獨角獸的奇幻樂園 $240/鬼靈精綠茶蛋糕 $185 大家如果有興趣睇多d我既分享,可以follow我既IG/訂閱我既youtube channel IG:https://www.instagram.com/suki_tong_tong YOUTUBE:https://www.youtube.com/channel/UCVKECB-BGlwfnQnBqiybKPA