HELLO,大家好,今次想同大家分享既係仙后餐廳 先講食物質素,我當日係食lunch,餐牌上有頭盤/湯/主菜/小食/品/飲品可以比你選擇,而餐牌方面每日都唔同嫁,你可以選擇叫set亦都可以考慮好似我地2個咁散叫,我地叫左2款主菜/1款小食,1份品,1杯飲品。大約$1000左右, 首先上台既係魷魚鬚,超好味,唔會太多油,食落口唔會啖啖油,又唔太硬,最重要係份量夠多,食到底都仲有︿︿食到停唔到既小食… 之後到主菜,先講講雞先,睇落覺得好似有d硬,但食落完全2回事,雞肉食落一d都唔覺dry,唔覺硬,相反口感質地好滑,配合埋個燒汁,太好味啦。 之後就到牛既部份,我地order左5成熟,肉質霖得黎有趙口,好重牛味,正呀。另外,不得不提既係薯蓉,好香好滑,我地係咁爭薯蓉食。而飲品方面就係普普通通既鮮果汁啦,唔算太特別。 到左甜品方面啦,其實我地2個已經好飽好飽,好在只係叫左個cream burlee share食,由於我麻麻地甜野,所以以下既意見係j先生既感覺呀:(好正宗,好有蛋香味,上面既焦糖有畫龍點睛既效果) 最後就到餐廳環境啦,大家睇相啦︿︿ 點擊圖片放大 餐廳係以懷舊此主題,會播一d舊歌。 服務質素都算細心既︿︿