香港美利酒店頂樓半自助海鮮自助餐

Hello,今次想同大家分享位於Murray Hotel內Popinjays既海鮮半buffet brunch ,一上到去環境好寬敞,光線又充足,坐outdoor/indoor環境都一樣禁好,但係當日都有30度左右,我一定坐indoor啦。

首先講Buffet先,主要有龍蝦/螺/蝦/蟹/生蠔/三文魚刺身等,海鮮質素超高,好新鮮,特別係龍蝦好彈牙又好juicy,生蠔都有3款選擇(2款黎自澳洲/1款黎自愛爾蘭)。

(好細心,檸檬核都去埋)
之後仲可以選頭盤/主菜,我地就order左一份牛排&一份魚,牛排有咬口得黎又唔會過份硬,而且肉味好濃郁,而魚方面,肉質好滑,好新鮮,可以將魚肉一塊一塊分開,但又唔會鬆散。飲品方面我就隨意order一杯香檳(如果大家鍾意飲酒精飲品,可以order$298任飲香檳/紅酒嫁,因為一杯都要$19x,飲得多既朋友係會著數d嫁)。


最後又點小得甜品呀,雖然我個人對甜品興趣真係不大,但個樣都幾吸引。

價錢:$598 1位+10%(牛排額外加$85)(Openrice預先訂位有7折)

地址:中環紅棉路22號香港美利酒店頂樓

This entry was posted in 家庭聚會, 情侶約會, 特色餐廳, 知己聚會, 自助餐/放題, 香港 and tagged , , , , . Bookmark the permalink.