HELLO,大家好,我係阿糖 ,今次想同大家分享一下我最近系蔡太買BRA既經過 我去之前已經做足功課,聽人講要等好耐,D店員又不太禮貌,而且我住新界區,出銅銅鑼起碼要1個半小時,所以遲遲都未有衝動去 ,直到決定結婚後,終於下定決心試一試啦⋯⋯ 當日我一早起身,大約早上9:40左右到達蔡太地址(銅鑼灣渣斐大廈3樓)(MTR D1出口),到達後雖然見到門外列明10:00先開始派籌,但並不是有員工在門外派的,而是門外有1個盒子放了留位籌,要自行取的,取後再於12:00左右回來再排隊,我當日取了21號,接著我就食個早餐,HEA下再番上去。 到了差不多12:05左右,我就上到去,計埋我大約有10個人等緊,有D椅子比大家坐住等既(當然得8-10張左右),入面有3間房,蔡太會叫籌既,係按先後次序的,但我有D唔太明白,我係21號,但上到去既時候, 見到3間房都有人,跟住我見到其他女仔都係30幾/70幾號,蔡太之後問下一個幾多號,有人大叫22/23,咁我即刻話我係21號啦,即係下個就到我了,所以唔太明我前面既人去曬邊,但都唔理禁多啦,總知到我就得啦,HAHA。。。 一入到房,有個員工就叫我除左上衣等蔡太,冇幾耐蔡太就入黎啦,首先問我係唔係第1次去,再睇下我當時著緊咩BRA,再話比我知我有咩問題, 跟住就開始幫我度SIZE,之後比左個BRA我試 , 因為有小小唔岩SIZE,蔡太就即刻MARK低,跟住叫出面D姐姐即刻改,改完再試,買幾多個就要試足幾多個 ,岩身先比你走。 感覺: 去之前見到好多人話蔡太/員工 冇禮貌又惡,今次去到佢地個個都好細心,好好人,特別係蔡太,真係好真心咁話比我知邊到有問題,又教我點著BRA,有咩地方要注意等等⋯⋯至於有D人話私穩度低,又話蔡太會開簾叫其他人睇自己咁⋯⋯咁我當日又冇發生過呢D事,但係蔡太/員工開簾關簾期間又真係好難避免,都會見到小小,所以我見到所有女仔(包括我),都會自己關簾。 功效: 如果我即刻同你講話有效果,一定係呃你既,我諗起碼要著番幾個月至半年啦,但講真真係比其他功能內衣舒服, 唔會著到太緊太辛苦,而且試既時候蔡太不斷話唔舒服就一定要出聲,唔好著,度到岩身爲至,所以又真係OK舒服既,仲比平時著大左1個SIZE TIM^^(因為蔡太話我之前個BRA太細,所以包唔曬D肉肉) 價錢: 我買左3個BRA/3個功能背心/4條底底/1條修身褲,合共$2XXX, 我覺得唔算貴,比起我之前買個D要差唔多$700先有1個BRA,蔡太既BRA都只係2百幾1個,所以價錢唔算貴, 睇你願唔願意早起身拎籌啦,我就覺得好值得既^^至於效果係點,之後再同大家分享啦^^^^ 有興趣睇更多我既分享可以: FOLLOW我既IG: https://www.instagram.com/suki_tong_tong/ FB: https://www.facebook.com/TongTong852/ Youtube: https://www.youtube.com/channel/UCVKECB-BGlwfnQnBqiybKPA?view_as=subscriber