Hello Kitty 的印記? 帶你走進一個神秘地方, 嘻嘻!! Hello Kitty Secret Garden 大坑安庶庇街19號地下 在6月1日剛開張的Hello Kitty, kitty fans 既我一定要來朝聖影下相喇~ 俾個心理準備大家, 因為食店相當小, 最多容納17人, 所以要來光顧最少等2小時以上!! 可能朝早等到tea, 由lunch等到dinner都未定。入座後用餐時間為1小時。 本人在星期六下午一時到達, 拎的號碼是12, 那時候叫到80..... 當中發生一件小插曲, 就是有位女士投訴最近門口的4人檯已經坐了2小時有多, 但店員說因為她們是sanrio的員工不好意思得罪, 幸好最後她們都有意欲結帳離開。就在這裡認識了敢言的G小姐, 她說你的朋友相機設備很pro, 是不是攝影師....大家暢談起來, G小姐還說台北kitty cafe 好靚好大。G小姐同佢先生等了3小時, 走既時候我朋友用大機幫他們合照, 這樣也add了大家的facebook~~ 在等待時候, 有一會兒下毛毛雨, 不過大部份時間都好天, 感恩!! 等待不會悶, 因為可以四周圍影kitty~yeah Hello Kitty 單車 大家可以參考我呢個pose, 影相幾靚架 XD 有好似石牆feel 都幾特別~ 這個又是可以參考的pose, 繞腳影ok ar~~ 側面 + 郵箱 等到無聊到連人地後門都唔放過, 係開唔到既!!..... 等了2小時終於入到去, so lucky~~~ 擠進6人檯較擠迫....而我背坐窗位, 可以影逆光相, 哈哈... 連水杯都有hello kitty... 在門口已經有個甜品櫃很吸晴~~超靚, 好想每款都試下 ^^ 嘩~~~好豐富!! 呢檯食物當然全不是我們吧。 一檯3班朋友, 大家都鐘意hello kitty又鐘意攝影, 很容易打成一片~~估唔到都有男士好熱愛kitty架.... 大家的食物來到都一同影相, 這樣不用點全部, hahaha 借拍照 借拍照 2, 點熱飲才有整個kitty樣, 如果凍飲coffee只有蝴蝶結 我們點了, casear salad (相在前面, 沒close up) 幾新鮮不錯, 但要$8x 不太抵 這個碎蛋沙律三文治, 難食, 一來麵包太厚, 上檯後我們又要拍一會兒照, 所以要放涼了 因為我食慣的厚多士是華星冰室, 這個完全完全唔掂!! 大家記住不要點~ 另外旁邊的什果salad 都一般, 生果大部份比罐頭生果還要林, 感覺相當麻麻, 唯一個盛放器皿很美 至於飲品, 極度推介大家點rose latte, 賣相極美!! 而朋友點的mocha 顏色好像淺了一點, 如是朱古力會較好~ 其實咸食不算多, 有salad, 三文治, mini pizza, burger, pie.... 重點可以放在甜品, 哈哈..... 只有芒果同藍莓tart, 所以選了影相效果較好的芒果, 如果有士多啤梨就更好... 味道不算是太吸引味蕾, 不過不算太甜, 餅底幾脆, 都值得一試, 上面的kitty是白朱古力也可以食~ Red Apple Cake 我認為就是必點甜品, 另外也有青蘋果. 可以再試... 紅噹噹的紅蘋果顏色很搶眼, 當切開的時候就感到紅色的外皮就是o者哩, 軟軟質地切開的途中感覺幾好, hehe 裡面是蘋果肉海棉蛋糕, 冰涼的紅色jelly外皮再配上蘋果果肉及鬆軟海棉蛋糕, 配搭很好~~而且一點都不會太甜 我杯rose latte 飲到底還有kitty樣子, 因為絕對不忍心破壞... 當結帳記得問店員借kitty框拍照, 呢個pose推介!! 都幾特別~~ 當然出室外也要拍些吧~~ 想去之前睇下佢fb有冇最新update, 避免去到摸門釘 (沒有book位), 之前有晚係佢地員工private party... https://www.facebook.com/HKCHongKong