香港德國餐廳—北角夏娃 星期日想食啖啖肉,据扒餐廳訂唔到,於是搵間有肉又平平哋嘅嘢食,於是諗起德國鹹豬手,俾我摷到食呢間物有所值嘅餐廳。但我大懵,睇錯咗晚餐menu,原來午餐係set lunch,德國菜只有兩三款,其他係日本、意大利麵-_-! 大大隻鹹豬手,只係百幾蚊係抵($168),皮趣卜卜,肉略嫌鹹咗啲,啲酸菜就唔夠酸,但有小驚喜,以為係炸薯條,但原來係炸南瓜,仲幾好味,中和咗豬手嘅鹹,以百幾蚊嚟講都算物有所值,若住附近可值得一試,但唔好期望好正宗。我好想試下晚餐menu,希望會好啲。兩個人兩個餐,埋單三百蚊唔駛,仲叫埋嘢飲。(^○^) 夏娃 (北角) 北角和富道118號康華大廈地下C1號舖