行山最出名係黑森林啦,但係行黑森林要好幾日,如果只係想喺行程中加插一日親親大自然,建議可以去離Stuttgart一個四十分鐘車程既鎮,叫Bad Urach, Wasserfallsteig 的路線。 建議時間:5-6小時 (連影相、慢慢欣賞風景) 難度:容易 優點:瀑布、大草原、馬廄 住咗係距離行山地點十分鐘既B&B- Hotel Bed & Breakfast kukione,乾淨、大、舒服、雖然冇乜設備,但仍可推薦。 山腳有一大個露天停車場,有一兩間餐廳,可以先行去廁所。當日行係weekend,所以有些本地人行。行既時候係十月頭秋天,所以綠色山樹中間有少少紅葉,有一望無際既草原,中間有間小石屋,好似Windows嘅wallpaper一樣,仲有好大塊麥田,影相超正!之後行到有小舖加馬廄,同馬仔又玩咗一陣。總括而言,唔係好辛苦但又欣賞到好風景,值得推薦! 點擊圖片放大 +4 一開始就有咁多人,感覺條路應該幾好行,同幾靚。 點擊圖片放大 +5