德國超市十大注意事項 星期日唔開,通常8點關,有些少是9點收。 去超市買嘢膠袋要俾錢 膠樽都要俾按金,飲完個膠樽可以喺回收機攞返個樽錢(一張票)喺超市用,但留意要有可回樽字句或標誌先得 購物車係要俾一歐按金,只要將錢幣放入購物車手柄上嘅鎖就用得,當你還購物車時就可以攞返個錢幣。注意較細嘅塑膠購物欖係唔使俾按金嘅。 德國嘅有機或者天然食品都會有”Bio”呢個字。 信用卡俾錢唔係一定有,但通常大型超市都有。 好多地方新鮮蔬菜或者生果要自己先量咗重量出埋價錢,先去收銀俾錢。 德國好多飲料包括水都鍾意加碳酸,認住呢幾個字以免買咗碳酸水:mit (有)/ wenig(少量)/ ohne(沒有)Kohlensäure (碳酸)。 奶類食品特別平,如乳酪、牛奶、芝士、雪糕 Aldi 同 Lidl 係主要平價/特價超市。 另外,最緊要識分豬牛雞德文點睇,同埋如果見到黑森林火腿,記得喪買,品質好、香港難買、而又平! 豬肉:Schweinefleisch (不過前國腳小豬就係因為佢個姓氏有Schwein呢個字) 牛肉:Rind, Rindfleisch 雞肉:Huhn, Hühnerfleisch 黑森林火腿:Schwarzwälder Schinken Haribo candy €1.99 2L Mövenick ice-cream 自動膠瓶回收機