今次介紹嘅係另一個好少人去但我好鍾意嘅城市Wuppertal。距離Cologne只需要大約30分鐘車程,可以搭ICE或者RE。 建議瀏覽時間:1天 呢個地方有兩樣好出名嘅地方,一係單軌懸掛鐵路,二係著名的現代舞編舞者Pina Bausch。 Pina Bausch 有啲人覺得可能有啲聽過呢個名,因為幾年前有一套戲講述佢嘅舞蹈,同埋芝C菇Bi有喺佢文章中講過。她在舞蹈風格中著名的德國舞蹈劇場(Tanztheater)發展上有非常重要的貢獻及影響。她是Tanztheater Wuppertal Pina Bausch)的藝術總監及編舞者。有興趣現場睇可以去以下網址查看,之前喺香港藝術節都有演出,我去咗睇,當然唔明得晒,但扮吓文青都值既。 http://www.pina-bausch.de/en/index.php 懸掛鐵路Wuppertaler Schwebebahn 本身是世界最古老既單軌鐵路系統,自1901到現在有百多年歷史,佢係一個旅遊景點,亦真係市民既日常交通工具。佢全長13.3 km,全程約30分鐘,大部分都係喺河上面行,感覺其實幾刺激,佢仲會時不時掟彎,同行朋友坐到有點想嘔(-_^),一程單程票大約€2-€3。It's really cool! 另外仲有可以搭以前俾皇帝坐既Kaiserwagen遊覽車,可預先買票,因為唔係日日有,最近的係四月。網頁上看到有三種不同車,分別是早午晚(Die Kaffeefahrt - 咖啡車,die Frühstücksfahrt - 早餐車, die Abendfahrt - 晚間車)。咖啡車包咖啡蛋糕,早餐車有咖啡同三文治,晚間車有啤酒同三文治(有香腸),全程60分鐘,票價€25.5。本人未坐過,所以不能comment,但我諗同你想坐天星小輪定維港遊同一道理。 https://www.kaiserwagenticket.de/php/eventlister.php?form_filter_changed=1&filter_anzeige=10&form_eventlister_show_page=1 景點 若果唔去Theater,只係在市內遊覽,可到以下地點: - City hall (Historische Stadthalle Wuppertal) 很美的建築,可聽concert - 逛街 - 我指的真係在街上走,因為Wuppertal同其他德國城市感覺好唔同,你會看到很多唔同人種,又冇遊客,好生活的一個地方,途人好down to earth,要親自感受先知道的。 Summary 呢個城市唔會好似其他出名的遊覽城市,唔好expect好多景點,但係佢有佢既獨特感覺同藝術氣息,很多保存完整既古老建築,這城市亦是一個green city,四處都見到park, 樹,河,但有會見到唔少銀行,大企業Bayer都係locate喺度。呢啲都令我能感受一下Wuppertal同其他德國城市不同的氣氛。 Monorail: 點擊圖片放大 +2 Pina Baush Theater: Park: Shopping Street: Rathaus: Christmas Market - Medieval Time 點擊圖片放大 +3 On the street: Historishes Stadthalle: