潮流興食素, 今次嚟到位於灣仔嘅”樂農”,呢間素菜餐廳,並唔係咁簡單,佢係一間社企,唔係純粹賺錢,佢地好重視品質同服務,價錢相當之實惠實惠。 好多人以為食素好悶,其實唔係,素菜係可以千變萬化嘅有瓜、有豆又有菜,"樂農”有五大堅持就係,少鹽、少糖、少油、冇味精同埋冇製成食材,"樂農”嘅裝飾好簡單,完全以食物質量同服務取勝。 首先,嚟到好大部份嘅職員都係聽障人仕,菜牌都會寫得好清楚,而且中英文兼備,溝通上係絕對冇問題㗎。員工的服務一流、他們的服務的細心使我敬佩、我坐下來不到二分鐘,職員不斷關心我想食咩野、完全體驗得佢地嘅關心 。 我就試咗呢度嘅晚餐,首先嚟到嘅係一個好靚嘅頭盤,叫做”五福臨門”,絕對係賞心悅目。 我最鍾意嘅就係”老友鬼鬼”,佢有豆腐、粉絲同埋油炸鬼加雞蛋蒸成一碟,惹味嘅係啲油炸鬼仲係脆㗎,食落口嘅時候口感非常之豐富。 其他的菜式,例如”鐵板黑椒紫菜卷”好精緻,仲有炒菜都好新鮮。想飽肚D,可以加個炒飯或者炒麵。 素食一啲都唔悶,一樣可以有湯、有菜、有甜品,我哋就㸃咗個百花粟米羹。 最緊要講吓嘅係甜品,甜品絕對係一個彩蛋,佢有兩款甜品就係蕃薯禚同埋芝麻糕,因佢嘅"夠薑番薯糕",甜到適中,而且佢嘅薑味係好香㗎! 潮流興食素,無論係green Monday,或者其他日子,去到”樂農”,除咗品嚐好味嘅餸菜之外仲可以支持社企!一舉多得! 樂農: http://www.happyveggies.hk/