《海地撈》呢三個字對於好多人來講一啲都唔陌生,年青人都鍾意三五成群約埋一齊去《海地撈》,撈下撈下,談天話地,咁就一餐!佢絕不簡單佢係1994年已經成立左,連埋香港國內總共有超過300間嘅分店分店,來頭絕對不少。 但係要食《海地撈》就俾啲時間同心機啦,點解?因為《海地撈》嘅入座率都係超爆嘅。我就特別早啲嚟到深圳嘅《海地撈》食晚餐。未出發之前我已經先用Apps攞位,我排嘅係30號,前邊仲有21張枱,心諗嚟到都係要等好耐,點不知嚟到待應小姐話我已經喺網上登記所以可以優先入座,好彩提早入座,後來到嘅客戶就要排長龍,喔,或者佢哋可以修腳甲先嘅! 《海地撈》嘅待應好好服務態度,佢先佢哋要比一件圍裙同手䄂,以免整到你嘅衣服,帝皇級服務!然後,就要選擇你個湯底,湯底你可以選擇四款不同,兩款不同或者只要一款,當然價錢亦都唔一樣啦! 然之奉上前點,包括任食嘅水果,你可以去調味Bar選擇自己喜歡嘅醬料,都只係每位加人民幣$10,選擇自己喜歡嘅飲品就係每位加人民幣$5,都係任飲㗎!主菜當然有好多選擇啦!未夠?仲有糖水、南瓜粥....做餐後甜品。 點擊圖片放大 +2 識食攻略:如果兩人可以選擇一種湯料,好多材料都係可以選擇半份架,情侶可以叫細份啲,叫多幾碟,必食推介係豆腐,因為款式夠多,同埋前菜鮮辣鮑魚。