眨下眼,又到老媽的生日 家下老老(我媽) 嫩嫩(我女) 都愛自助餐,咁我唯有照ORDER 啦~ 今次選了這間~ 九龍維景酒店 棕櫚閣西餐廳 揀佢,當然係佢既自助餐主題好吸引呀~ 海膽.鵝肝.燕窩 3.5小時自助餐 前菜的沙律全部放在FORZEN 櫃,KEEP 住凍,幾好喎 除左平時既沙律菜,呢度仲有唔少MIXED 好的沙律 粟米加火腿,小朋友的至愛~ 難怪連平時少食前菜既阿女都要添第2碟~ 至於我,當然係主攻呢個凍櫃啦~ 有阿拉斯加雪蟹爪 (仲好好咁分埋上半部同淨腳) 紐西蘭青口,加拿大翡翠螺 當然,仲有我至愛的法國香草龍蝦仔同凍蝦~ 簡宜係豐富到唔知食樣先好~ 海鮮好新鮮,食落啖啖肉,而且REFILL 都幾快,我影完相再去攞已經出左第二輪啦~ 每一位都有一板馬糞膽同蟹籽沙律 (配紫菜一齊食) 就連小朋友都有,一人獨食一板海膽,真係超級大滿足 海膽唔暒,有甜甜的味道,雖然尺寸較小,但亦很不賴~ 另一個港人至愛的自助餐項目就係刺身 尼度既刺身唔使等人3塊3塊咪切俾你,而係成盤放係度俾你自己任攞~ 有堆如山的三文,希靈,吞拿和北寄貝~ 我第一次見咁多魚生放係我面前 有少少嚇親添~ XD 未夠喉,成條魚上,你食得幾多? 我只能淺嚐啦,但如愛食魚生的可瘋狂一番囉~ 熟食的主打當然係呢個燒烤 即場燒的,有鵝肝,羊架和大蝦,蝦和羊架份量都好多,但鵝肝要排一排隊等燒 但可以任食鵝肝都真係無乜幾可~ 師傳煎得好純熟,3幾下將十幾塊鵝肝煎好了,而且係外香內剛熟~ 至於另外的熟食,都有唔少海鮮架~, 有蟹啦,蜆,仲有元貝~ 點擊圖片放大 最最最驚喜係呢條勁大撻沙,真係好少見呀, 油脂豐富到不得了~ 更難得係就算咁大條,依然蒸到好滑, 可惜佢第二輪先拎出黎,好多人都食飽了,有點兒浪費~ 至於龍蝦,燕窩仲未完,周圍都見到佢地既蹤影 有尼個即滾龍蝦燕窩濃湯~ 仲有燕窩雙皮奶~ 同埋燕窩蛋撻,呢一餐,真係食左成年既燕窩份量呀~ 呢個韮王野菌羹就有D失望,野菌有D草青味,無韮王香味 肉肉獸更有呢2舊大肉等緊你~ 至於甜品方面,有多款西式甜點 賣相不錯,味道不賴 而且細細件的,可以多食幾款呀~ 仲有中式,呢個楊枝金露真心唔錯,阿女飲完又再添~ 小朋友,當然最鐘意呢個朱古力噴泉, 還有最愛的 MOVENPICK 雪糕 成個櫃呀~ 有幾種口味揀添~ 飲品除左咖啡奶茶,仲要尼D果汁,3者中以蘋果汁最好 阿囡話個橙汁有D苦呀~ 每樣食少少都真係飽到傻 以食物黎計,海鮮吧的CP值最高 刺身也比想像中好 反而熟食略普通,賣相同味道唔太吸引 係個燒烤吸引D~ 生日嘛,最緊要係一家人食得開開心心啦~ 九龍維景酒店 棕櫚閣西餐廳 Palm Court Western Restaurant 旺角窩打老道75號九龍維景酒店1樓 電話號碼 :21973509 文章只屬個人意見,只供參考 如要聯絡本人,請電郵至: smonkichi@hotmail.com Fanpge : www.facebook.com/smonkich Instagram : https://instagram.com/smonkichi/ Blog Link : The Ztyle * She.com * Cosmo * Elle * U Beauty * Beauty Exchange * Beautylife Blogspot * We Share *Beauty Qooza * Baby Kingdom * ESD Life 生活易