上兩個星期經過旺角砵蘭街,見到有間少少中式又靚靚地既新鋪頭 同附近的商鋪好唔同 行埋D睇下,原來呢度賣越南野架 VietCom 越.點 店內有好多唔同的越南產品 由調味料,咖啡,茶葉,薯片,都有 統統都係來自越南的~ 就連越南特產精品都有得賣架~XD 最吸引我的,當然係呢D越南出既即食麵啦~ (去親旅行我都主力買即食麵同咖啡,仲要成箱咁買架~XD ) 二話不說,大手入貨先~XD Kool 鹹蛋撈麵 近年興食鹹蛋,估唔到連越南都有出 咁特別,點都要試試 呢款杯麵配以自創的鹽漬雞蛋麵,撈麵內均附有鹹蛋香料、鮮味湯包及香蔥 仲有埋膠叉,隨時隨地搵到熱水就食得~XD 首先將蒽包加入麵內再加滾水焗 4分鐘~ 特別設計的三角蓋方便方便隔去水份 之後再將鹹蛋香料、鮮味湯包到入麵內一齊撈就搞掂啦~ 鮮味湯包有辣椒粉的,雖然我覺得唔太辣 怕辣的人仕可按自己接受程度慢慢加呀~ 鹹蛋香料其實都幾夠味,真係見到起沙的鹹蛋黃的~ 話咁快。呢個鹹蛋杯麵搞掂啦~ 鹹蛋香氣撲鼻,食到鹹蛋黃的起沙。麵質都幾彈,唔會淋PAT PAT 一人一個唔使爭呀~XD 簡單方便,味道比平時的杯麵有新意 早餐,宵夜整番個,份量啱啱好~ 椰青水又係近期大熱 呢度既椰青水都好有新意, 除左原味,仲有3款新口味 椰青水除左可以為身體提供5種必需礦物質,如鈉,鉀,鈣,鎂和磷,味道仲好好架 COCO XIM 椰青水 【四季桔】 100%天然純椰青水混合熱帶金橘汁帶出清爽新感覺。 【蓮子味】 味清新的100%純椰青水與蓮子的完美結合。 【菠蘿味】 100%的天然椰青水與菠蘿汁混合,最為人熟識的爽甜口味。 飲料中含有電解質礦物質 【100%純椰青水】 由100%天然椰子水製成,包裝以UHT技術加工, 有助於保護新鮮椰子的風味和營養。 椰子水由100%天然綠色椰子製成,符合有機標準 (不使用合成農藥和化肥,污泥,轉基因生物或電離輻射)。 非濃縮汁液、不添加防腐劑,100%椰子原液保留了Ben Tre椰子的營養和新鮮味道 而且仲係非濃縮汁液、不添加糖份及防腐劑 小朋友耐唔時都想飲下D有味野,汽水,果汁呢D又多糖份又有色素 依家出街,我都會買椰青水俾佢飲~ COCO XIM 椰青水有唔同口味,而且味道好FRESH,唔似坊間的人工甜 就算室溫/雪凍飲都依然好味~ 我自己就鐘意四季桔個種酸酸甜甜的清新感 阿女就鐘意菠蘿味~ 食越南野,點可以無越南河粉 Hoang Gia “Pho” Pho是世界上越南著名的菜餚之一, Hoang Gia VIFON 採用特殊的麵條塗層技術, 現代技術,搭配非常美味的肉製品,獲得2010年世界排名前10名位置的全球食品獎 由IUFoST認證組織。 Pho 分別有牛肉﹑雞肉同蟹肉味 每包河粉入面除左有越南粉,味粉,乾蒜,仲有一包肉架~ 最特別既係呢款河粉都係唔使明火煮的~XD (實在太啱我呢D懶人了) 只須加滾水焗佢3分鐘,再加埋包肉落去就食得啦~ 河粉係寬身的,就算無煮過依然好淋好滑 想更似越南風味,可以自己加九層塔/薄荷葉同辣椒架~ XD 我鐘意呢種越南粉雖然同公仔麵一樣咁方便,但健康好多 起碼D河粉無油炸過先啦~ 而且個湯頭亦都無公仔麵咁重味精味,食完都無話超級口喝個種 最鐘意, 當然係唔使煮啦~XD (係個塊肉有D尷尬,唔太識欣賞~XD) 除左旺角實體店,佢地原來仲可以網上訂貨,順豐送貨,唔使拎餐死囉~ 凡買滿$300仲免運費添 VietCom 越.點 https://www.facebook.com/pg/VietComHK http://www.vietcom.hk 旺角84號砵蘭街地下 84 Portland Street G/F Mong Kok 電話+852-37272986 如要聯絡本人,請電郵至: smonkichi@hotmail.com Fanpge : www.facebook.com/smonkich Instagram : https://instagram.com/smonkichi/ Blog Link : The Ztyle Beauty Qooza She.com U Beauty Beautylife Blogspot Beauty Exchange We Share Cosmo Elle Baby Kingdom