香港作為旅遊之都,大大話話酒店/旅館都過千間~ 但如果有外地朋友想搵一D有特色的酒店,基本上你係答唔出的 近年大家去旅行都好鐘意搵一D有特色既酒店,好似台灣,韓國呢D地方,隨手都搵到一大堆好特別的酒店 香港的酒店呢?就黎黎去去都係差唔多囉,就算上到六星,你可以話係好靚 但, 有咩特色呢? 最近一間以懷舊香港及尖沙咀為主題的特色酒店已經落成啦~ attitude on Granville 呢間位於加連威老道既酒店,真係睇住佢起架 估唔到咁快,黎緊10月21號就正式開幕啦~ Attitude on Granville共有81間客房,分為4種房型包括標準、高級、豪華及套房 價錢約9百至千多元不等 好榮幸有機會作為呢間酒店的第一批住客, 等我去睇睇呢間全港首間賣概念既酒店係乜東東先~ 因為仲未正式開幕,外牆都仲包住哂,好神秘咁~ 門口嘛,有少少隱蔽啦~ 要小心留意先唔會錯過~ 希 望正式開幕後會令人更容易搵到啦~ 不過一行入黎,就感覺自己好似去左呢一個國度咁~ 無論天花,牆身,甚至地下都充滿左設計感~ 呢個"即日放影"的戲院框框,唔知家下90後有冇見過呢? 每一個角落都明顯俾心機設計過,卡通得黎又好有型格,好想瘋狂影相呀~ 不過,我俾老公捉住左,因為我地要去5樓CHECK IN 呀~ 呢個咁COLORFUL 的櫃頭就係CHECK IN 既地方啦~~ 用菜籃膠箱做設計靈感,配合番七十年代既香港係以 "膠" 起家既歷史~ 做過簡單的身份手續登記就搞掂,全程唔使 5分鐘~快,靚,正呀~ 登記完要上樓?未住,呢度個LOBBY 都好多野睇架~ 成個大堂 LOBBY 好似去左 七, 八十年的香港屋企咁 每一個角落都好有特色, 好似走左入黑白粵語殘片的佈景咁~ 牆上 掛上了 FuFu Studio’s “Hong Kong Vintage” 一系列的掛畫,如果你鐘意可以買番屋企架 所有收益 100% 會捐俾香港兒科醫學院架~真係型得黎仲好有意義~ 當然,老遠黎到香港的旅客,風塵僕僕,坐低係LOBBY稍作休息 加番杯香濃的咖啡,感覺真係特別窩心~ 連裝糖包的盒都咁有香港特色,相信連道具明都要認輸~ 幾錢杯?唔好下下講錢啦,呢度講心架,咖啡係免費的,就係酒店的一點小心意啦~ 除左一個香港 七十年代的家,LOBBY 仲有另外一面架 一個俾你休息,上網,睇報紙的地方 每日報紙,連衣架都出埋,真係設計無限大~ 諗到就羸哂~ 玩左一大輪,終於捨得上房啦~ 呢度 6/F - 15/F 係酒店房,要用匙咭"嘟"先可以搭LIFT上到去架~ 酒店夜晚11點會關門,我地都要用呢張匙咭"嘟" 先可以返酒店架~ 確保閒人免進嘛~ 一開LIFT 門,陣陣尖沙咀/舊香港味已經湧埋黎 成個尖沙咀地鐵站都搬左上黎~ "七樓" 2個字更加係點晴之作~係平時既酒店又點見到呀。 連房門口都掛左張李小龍張相~ 入房啦~ 一開口,就見呢個好可愛的地盤LOGO "嚴禁吸煙" 呢度全部酒店房都係禁煙架~ (即係酒店房唔會有大陣煙味囉) 今次係VIP嘛,當然有間VIP房啦,呢間係套房黎,有廳同房 而中間相隔,就係呢D通花磚啦,好熟口面? 以前香港公屋成日見到啦~ 不過放左係度就感覺唔同哂~ 至於房間每個角落都繪畫左富有香港特色的圖畫 就好似一個香港既縮影咁~ 呢D課室的枱櫈同糖果,簡直就係香港人的集體回憶~ 外地人對呢D擺設會覺得好新鮮,香港人就會覺得好懷念~ 香港以前的味道就是這種了~ 至於洗手間嘛,當然都唔會馬虎了事 就連杯墊,都用上李小龍同鴨仔等香港特色圖案~ 不過,我更愛呢個潮語搪瓷漱口盅~ 個句 "拿拿聲啦" 真係好鬼地道囉~ ~香港,仲係講粵語架~ 雖然廁所精緻,但應有盡有 雖然,我好想有個浴缸可以浸下 雖然,我都明知香港既地價係貴到一個點~ 雖然,呢個都算係香港的一個特色啦~ 所以,我真係好佩服呢度既設計師呀~ 就咁睇,就係一個電視同鏡啦~ 但鏡邊有2個好得意既野~ 打開塊鏡就見到啦~ 就係收埋左夾萬同雪櫃~ 真係又靚又叻既設計呀~ 另一個又係香港能屈能伸的特色設計啦~ ~梳化床~ 曾幾何時,香港人家中必備,用黎招呼親朋戚友嘛 或者係細佬,阿妹夜晚就開床瞓啦~ 估唔到,係酒店都有張梳化床,有人已經急不及待瞓係度睇電視囉~ 呢度除左有香港特色的TBB 台,竟然有 I CABLE 足球台呀~ 下次可以約埋班FD 開房..........................睇波啦~ 除左介紹以前既香港,呢度都有幫你認識宜家既香港架 房間有提供呢個HANDY, 一個免費的portable 電話,想搵地方SHOPPING,食野, 打LOCAL電話完全免費架~ 仲有恒溫的"空調"啦~ COFFEE OR TEA 啦~ 有2樽免費的礦泉水,大樽的,當然要俾少少啦~ 作為一間酒店,洗熨服務係必須的吧~ 出門去旅行,最憎就係帶 ADAPTER, 同埋唔記得帶線叉電 呢度會幫你解決煩惱,問櫃台借就得啦~ 出門自由行,酒店位置真係好緊要,理得你六星七星八星,遠到天邊, 搵食又無,SHOPPING 又無,真係唔會考慮 attitude 的3/F 同4/F 原來都係食肆黎,當然唔係天價離地個隻 尤其3/F 的YUM CHA 以得意點心為主,已經好多香港人幫襯~ 4/F 的 URBAN PARK 就以西餐為主,LUNCH 一個SET都係 100蚊度~ 如果唔想留係酒店,隔離街已經係尖沙咀食街 "厚福街" ,真係想食乜都有 SHOPPING 嘛,一落樓已經係加連烕老道,想 SHOP 咩都有啦 行過對面馬路已經係 THE ONE 大型商場, 咩大牌/潮牌都買到 其實,呢間酒店就算係本地香港人黎到都好有感覺 真係行勻成個香港都無呢度咁有香港味呀~ 下次俾人問香港有咩特色酒店,終於識答 attitude on Granville 瑞生尖沙咀酒店 20 Granville Road Tsim Sha Tsui Kowloon 地址: 香港九龍尖沙咀加連威老道20號 電話: +852 2105 3888 網頁:http://www.attitudegranville.com/ 以上住宿由 attitude on Granville提供 如要聯絡本人,請電郵至: smonkichi@hotmail.com Fanpge : www.facebook.com/smonkich Instagram : https://instagram.com/smonkichi/ Blog Link : The Ztyle Beauty Qooza She.com U Beauty Beautylife Blogspot BE We Share