話咁快又到老公牛一啦~ 不過今日我請唔到假陪佢,唯有收工同佢去食正野~ 和牛燒肉‧純 因為就係我公司附近~HAHA 雖然咁近,但都係第一次黎 睇佢門口細細,估唔到入面咁大 除左一般的四人枱外 仲有呢D咁雅緻的半放式房間~私隱度好高,仲有勁濃的和式味~ 係餐廳中間有一張超大的ORDER 枱~ 如果人多,仲可以包房,分別有6人房同8人房 房間最多可以2間房打通,坐到20人,最啱就係公司食飯啦 (我呢D公司娛樂部,最關心就係呢D ) 影完相,枱已SET好哂啦~ 有調味料外,仲有沙律食~ 好鐘意呢個夾夾既設計 夾完放落枱唔怕掂到枱面污糟,又唔使特登攞隻碟黎裝住,非常聰明同細心的設計呀 呢度雖然話係食燒肉,但其實仲有好多日本野食 好似切身呀,壽司,窩物等等~ 生日嘛,當然要食好D 和牛和牛和牛 黎呢度當然要食和牛~ 特選日本產和牛肉眼 所有肉都可以選汁燒和盬 咁靚既和牛,當然要揀盬啦,咁先可以食到個份牛味呀~ 呢塊和牛肉眼真真不得了,入口即溶,牛味超濃 但又唔會食到成口好油好油,可以食到牛肉的肉質感 特選日本產和牛牛排肉 牛排肉的雪花同肉眼好唔同 佢係網狀的,不過分佈都好平均,令到燒出黎既肉質好柔軟 入口好香牛味 日本產和牛上牛排肉 呢款牛排肉雪花較少,肉質比和牛牛排肉實 如果唔太鐘意油脂滿口的,呢個牛排肉就好啱你 對比起之前兩2款,呢款的牛味亦稍淡 不過,依然係嫩滑美味 日本產豚腩肉 呢度既黑豚肉其實幾抵食同質素好好~ 比和牛平成半有多,但質素很好 肥豚肉經過燒烤後,變得甘香爽脆 如果想再乾身D,可以再燒耐D,減低油脂的豐膩感 但對我而言,肥爽肉就係呢款黑豚的賣點呢 爽口彈牙之餘,仲食到滿滿的膠原呢~ 呢D格仔紋係咪好靚呢,成晚既燒肉都由我老公一手搞掂~XD 佢話,呢隻燒爐要先大火加熱,燒到紅先再中火落肉,咁D肉汁先可以鎖住係入面 同埋有咁靚仔的格仔紋~ 信不信由你,反正,我信了~XD 厚切牛舌 話說上次係銅鑼灣食完個薄切牛舌後,我有D不滿足 因為牛舌要厚厚的才夠爽呀~ 老公原來記在心,今次黎,佢叫左呢個厚厚牛舌俾我~ 牛舌果然係厚的好,厚切才有彈性,才有嚼頭 厚切牛舌最好燒熟一點,太生反而會變韌架~ 燒肉,其實最好有碗飯~XD 用燒肉黎送飯真係一流的~ 尤其係呢種圓圓的日本米飯,煙煙韌韌又有飯香 平時少食飯既我都食哂成碗~XD 兩個梳打,我都係鐘意荔枝味多過巨峰提子 一直都覺得提子味好似藥水~XD 呢度處於商場2樓,位置其實都有D隱蔽 但估唔到咁多人識搵到黎呢度 果然,有好野食的地方,D人就識搵架啦~ 和牛燒肉‧純在東京開業超過15年,有多間分店, 香港現在兩間,旨在推廣日本牛肉。 純種和牛來自佐賀、鹿兒島、宮崎、飛驒、櫪木等地,不時轉換,只取日本和牛 一切以優質行先。 和牛燒肉‧純 Japanese Wagyu Yakiniku Pure 尖沙咀東部加連威老道96號希爾頓大廈1樓3號舖 如要聯絡本人,請電郵至: smonkichi@hotmail.com Fanpge : www.facebook.com/smonkich Instagram : https://instagram.com/smonkichi/ Blog Link : The Ztyle * Beauty Qooza * She.com * U Beauty * Beautylife Blogspot * Beauty Exchange * We Share * Cosmo * Elle * Baby Kingdom