母親節又黎啦 多謝婆婆一直照顧我同女女,我地決定親手去整個蛋糕多謝佢 一早同女女講左去整蛋糕俾婆婆 佢興奮到不得了,又想講俾婆婆知,又要保守秘密~囉囉攣左成個星期~HAHA 整俾婆婆食,當然要整D好野俾佢啦 今次呢個蛋糕班就係由Anchor 舉辦的 Anchor Home Chef 一早黎到香港新東方廚藝培訓學校 坐地鐵係炮台山站行一陣就到,好方便呢 廚藝學校地方好大,非常的闊落,我最鐘意有一排大窗,夠陽光,又有空間感~ Anchor 的烹飪班已經舉辦左3堂,之前整過 聖誕木頭蛋糕 黃金脆脆三文魚柳 + 陳皮焦糖燉蛋 復活節馬卡龍 大家都整得好開心,仲好成功 個個出品都好靚,似模似樣 唔知我地整成點呢~XD 今日的任務 士多啤梨開心果忌廉蛋糕 牆上有個大電視,已經將材料,份量同做法寫左出黎, 唔使下下睇貓紙咁辛苦啦~XD 睇資料,又點及師傳親自教導咁好呢~XD 導師Eddie Kwan 好細心咁解講每一個步驟 仲會教我地一D竅門,等大家更易明同更易整~ 到我地落手整啦~ 係廚藝學校整蛋糕既好處係架生超級齊,淨係呢部攪拌機已經幫整輕左好多 唔使下下攪到手軟啦~XD 將所有預先預備好的材料用機攪勻後,就可以落牛油啦~ Anchor 的牛油由紐西蘭草飼牛牛奶製造 純牛油味道,濃郁奶香 (仲有有鹽同無鹽兩款俾大家揀架) 牛油可用於烘焙製作(如麵包、蛋糕等)或烹調蔬菜之用 有冇發現 Anchor 的牛油特別黃? 咁係因為佢既內含的油脂特別豐富呢~ 將攪拌好的蛋糕漿到入模後就可以拎去焗架啦~ 整完個蛋糕底,就要打定D忌廉去雪 用上了Anchor 的 Whipping Cream由 紐西蘭草飼牛牛奶製成 很容易就打至挺身 好鐘意呢張教學大枱,幾多人都夠位企,唔使企後排睇唔到 跟住,就要準備D裝飾水果啦~ 切野,當然難佢唔到~因為有婆婆的長期訓練呀~XD 係等焗蛋糕既時候,有個 Anchor Tea Break Anchor 的牛油同芝士好多元化,可以配搭出好多款食物 Anchor 芝士片有很濃香既車打芝士味,阿女食完叫我返屋企要入貨~ 係咁食係咁食~食得好開心~XD 呢度既STAFF 哥哥仲好好人咁整左杯阿女最愛的小朋友Cappuccino ~ 其實就係用上Anchor 的牛奶加熱打成泡泡,好香牛奶味 睇下佢開心到個傻樣~XD 我就當然要飲番杯 Latte 啦~ 加入了Anchor 的 牛奶,有香濃的牛奶味又幼滑~ 大穫,俾女女發現左有佢平時食開的Anchor 芝士粒添~XD 明明已經食飽左,仲可以再食4粒~@@ 芝士粒係健康的小食,可以補鈣又健康,食多少少都唔怕啦~:P 食完返黎~蛋糕已出爐啦~ 焗出黎既蛋糕唔算太厚,但要切開頭尾,中間再切2刀 呢個工序真係好考功夫~HAHA 好彩,憑我那丁點兒的入廚經驗,最後,都順利完成~ :P 之後既工作就交俾女女啦~ 要一層層鋪忌廉,鋪生果 最後,再用忌廉封埋邊就搞掂啦~ 咪以為攞住把刀就係你整XD~ 呢個步驟都唔易 要整到平滑原來都有D難度,好彩呢度有好多助教,可以幫我手~XD 整完底就整面啦~ 綠色個D粒粒係開心果碎黎~ 痴完個邊就可以係上面放下士多啤梨同唧花 D士多啤梨真係超級大粒,超級甜~XD 淨係食呢幾粒都回番本~HAHA 估唔到阿女唧花都有板有眼,開頭仲擔心佢 點知出到黎有板有眼架~ 話咁快,我地既製成品就完成啦~ 係咪好有大師級的風範呢~XD 婆婆收到呢個咁靚既蛋糕,都唔信係我地整架~ 其實,我自己都唔係好信可以整得出一個咁靚既蛋糕~HAHA 多謝Anchor 的烹飪班同香港新東方廚藝培訓學校的老師, 職員 令我地2個入廚新手都可以順利完成呢個任務~XD 如果大家都想參加咁好玩既 Anchor Home Chef 烹飪班 只要去指定超級市場買滿60蚊 Anchor 的產品,憑收據上網報名啦~ 詳情可留意:https://anchordairy.com.hk/cooking-class 留意 Anchor 網站,可搵到更多的煮食靈感架~ https://www.facebook.com/anchordairyhongkong 再次多謝 Anchor及 Classes.com.hk 的邀請 以及香港新東方廚藝培訓學校的各位老師,職員 如要聯絡本人,請電郵至: smonkichi@hotmail.com Fanpge : www.facebook.com/smonkich Instagram : https://instagram.com/smonkichi/ Blog Link : The Ztyle * Beauty Qooza * She.com * U Beauty * Beautylife Blogspot * Beauty Exchange * We Share * Cosmo * Elle * Baby Kingdom