在石板街的鐵皮商鋪後,隱藏了這一家居酒屋 S2 KITCHEN 店子小小的,配合昏暗的燈光,很適合放工黎飲番2杯,傾下計 店中,是一個長長的吧枱和吧頭,可以睇住師傳整野食架~XD 是夜,就坐在吧枱前 居酒屋,呢度既清酒都唔少,而且價錢仲幾相宜~ 食物嘛,選擇係超級多的,由刺身到壽司到熟食,樣樣都有~ 最出名的,當然是海膽啦 呢度好多個菜都加入左海膽架 二話不說,先來個店鋪的名物 海膽杯 (每日限量架) 海膽杯裏,除左最上層的2大片北海道黃海膽外,還有十多層不同的食材 那塊脆脆的,是白飯魚脆片,將白飯魚燒到香脆可口,非常特別 再來就有黑魚子/沖繩海葡萄 / 藍鮨吞拿魚拖羅蓉/三文魚子/白蝦/北海道黃海膽/松葉蟹肉/北海道紫海膽/鮮海帶碎 材料真係多到寫都寫到手軟 拖羅的甘香配合魚子的爽彈,再加上蟹肉的鮮甜 每一款食材都有特別的口感和味道,但混在一起食又很和諧 每食一層都有一份驚喜呢~ 再來呢個小可愛,其實是一個日式年糕~ 面層烤得香脆~ 咬一口,嘩,I am on fire 原來入面有流心芝士的~HAHA 完美演繹了外脆內遠的口感呢~ 再來,就係 刺身5點 有牡丹蝦,三文魚,金目鯛,帶子和最最最特別的特上吞拿魚腦天 壽司都係厚切,咬落口啖啖肉,金目鯛好有彈性 牡丹蝦非常甘甜,仲有界哂花的厚切三文~ 呢個就係第一次食既 特上吞拿魚腦天 其實,就係吞拿魚頭頂個舊肉 一條魚得2舊架咋~ 入口,簡直不得了,比起A5和牛仲多油份 成個口腔充斥了滿滿的魚油,睇佢個樣,真係估唔到油脂豐富得咁緊要 真係做到入口即溶既感覺 食一次,畢生難忘~ 三文魚夾餅創作壽司 俾朋友整冧左,無咁靚添~XD 不過呢個壽司真係幾真穎,最鐘意個2塊脆脆餅,混和三文魚的軟軟肉質 又軟又脆,口感好豐富~ 海膽燒岩蠔 以蠔形的碟上菜,好有心思~ 岩蠔用上了日本蠔, 除了加上芝士沙律醬,還有海膽 係極等極等的CREAMY呀~ 傻傻的我已分不清蠔味和海膽味,只係食到滿口脹脹~ S2特色海膽火焰卷 實在非常的有特色,以火係底燒住上 火熱動感~XD 雖然係普通加洲卷的玉子/蟹柳和青瓜材料 但上面加上了北極貝和海膽後,整個卷都UPGRADE了 最重要係味道很好,那個醬濃淡適中 卷入面清清的材料中和了海膽的稠口感,變得清爽 夢幻極光特飲 這裏的老闆樂師傳是北極光協會的主席呢 師傳將極光的美色化成杯中飲品 一層層不同的色調,彷如多樣幻變的天空 味道分3種,最上層的紫色蝶豆花味道偏淡,但顏色吸晴 下面的黃和橙色,則甜味較重,欣賞過後,就要忍心將佢中和平衡~ 海膽蒟蒻涼麵 玩完火熱動感,再來個煙霧瀰漫 被霧氣包裏著的,是一個涼涼的蒟蒻麵 蒟蒻麵是一種很健康的食材,高纖低卡,食肆有得點既真係唔太多 蒟蒻麵本身無味的,師傳加入了柚子汁,食起上黎酸酸甜甜 可解之前的滯膩感,又可增加飽肚感 結尾,當然要來個甜品 海膽雪糕 初聽很咋舌,完全想像唔到囉~>XD 原來先將海膽蒸熟後,混和3.8牛乳北海道及糖製成 味道甘香,口感幼滑,帶有少少的粒粒海膽增加口感 雖帶小鹹,但完全無違和感 可能無乜海膽味,所以亦都無想像中的奇怪味~ 依家係Openrice download coupon 憑券逢星期一至四晚18:00-22:30,堂食每枱消費滿$400即減$100、 滿$600即減$150、滿$800即減$200,如比類推不設上限。 有效日期: 2018年4月30日 至 2018年5月31日 Download Here 想試下呢D咁新奇的菜式,係時候啦~ S2 Kitchen 中環威靈頓街51號地下A舖 如要聯絡本人,請電郵至: smonkichi@hotmail.com Fanpge : www.facebook.com/smonkich Instagram : https://instagram.com/smonkichi/ Blog Link : The Ztyle Beauty Qooza She.com U Beauty Beautylife Blogspot Beauty Exchange We Share Cosmo Elle Baby Kingdom