朋友要OT, 我要去EVENT, 大家相約係旺角食飯時已經十點了~ 雖然成十點,估唔到呢間叫OPPA 的韓國BBQ 都依然爆場 原來十點後入座有8折架~ 咁又幾抵喎,食多幾碟都唔怕啦~ 入座前睇過MENU 有咩食 一般既牛, 豬, 海鮮同韓食都幾齊,而且價錢都相宜 除左牛貴少少外,其他都係AROUND 100蚊度 仲有2個限定推介同韓國飲料優惠~ 呢度十點前有限時2個鐘,不過10點後就唔限,仲開到凌晨2點 所以夜少少黎食都唔錯~ 如果一大班朋友吹水,真係可以盡慶先走~ 雖然門口有唔少人,不過等左1, 2 張枱就入得去啦~ 十點鐘,個場仲爆哂,旺角果然係旺角~XD 呢度既佈置同韓國既小店都好似 牆上畫左唔少潮流既GRAFFITI 而且設備都好細心,好似有呢張下面可以放手袋,褸既櫈,同埋有放食物既層架 感覺幾細心~ 枱面係我地入去時已經SET好哂 所以一入去未叫野食已經一枱都係野啦~ 包括呢D前菜,生菜同醬料,全部都可以無限加添~ 雖然係任食,但前菜既水準有驚喜 除左有泡菜同芽菜外,仲有一個醃製過既洋蔥圈, 呢個洋蔥圈前菜之前未食過,好新鮮,辛辣中帶點清新爽脆~ 點解要揀呢間餐廳,其中一個原因就是呢塊鐵板啦~ 其實在8, 9 年前去韓國時已見過呢塊板,同平時既圓形韓燒好唔同 燒出黎既肉特別有焦香味 當時已諗點解一直都無傳黎香港 估唔到係咁多年後既今日先可以係香港搵番佢~ 鐵板係斜放,頂頂有個嘴方便D肉油流出黎 OPPA 既鐵板係改良過,加左一個坑位用黎整蛋餅 蛋餅係加左料既蛋漿,經由鐵板既燒力將佢烤熟 不過由於個坑都幾深,個底有少少焦但面既蛋仲有少少未熟 因為加左料,又唔夠膽生食,所以搞到最後D蛋痴埋底~XD 每枱都有一條吸油煙管,可以調較 但唔知係咪店員無講清楚,好多枱都升高左 變相抽油煙能力弱左,所以成間店既燒肉味都幾大下~ 講番食物 今次我地3個人,總共叫左5碟 食韓燒,首選一定係五花腩肉 肥膏經過鐵板的煎燙後變得爽口 瘦肉部份都好鬆化,唔會嚡~ 呢度係98蚊 150g 初上枱覺得好似好少 但燒完再剪開後就變得好多, 而且呢D肉都幾膩下,食2舊已經好夠~ 燒好既肉可以用一塊生菜包住,再加入醬料,配菜,蒜頭或者辣椒等捲埋一齊食 不過當日唐生菜用哂,改用西生菜,但西生菜D梗太硬,包起黎有少少難度~ 鐵板兩邊有2隻3角型角,原來係用黎放燒好食唔切既食物架~ 除左五花腩,我地仲叫左豬西冷,牛肋肉同豬肋肉 豬西冷肉質比豬腩肉鬆化嫩滑,不過就無豬腩肉既肉質感 醬腌豬肋肉既醬汁幾對胃口,唔使再沾燒汁都已夠味,推介呀~ 牛肋肉就失望左少少,比較多根 因為無哂原隻魷魚,所以就點左呢個小爪魚, 本身麻麻好呢隻,不過因為細細隻,就算燒耐左都唔會韌 平時食圓型鐵板韓燒時燶左會成塊換過 但呢隻燒板好方便,剷一剷就搞掂~ 呢度既食物價錢可以,3個人食左688 (未折), 折埋就仲抵D~ 前菜吸引,肉類亦無咩雪味或雪到硬冰冰咁~ 服務方面都唔錯,有叫有應, REFILL 都好快手,亦唔會孤孤寒寒唔捨得加~ 不過因為呢隻韓燒都幾多野搞下,例如要先燒左D多油既肉先,令到塊鐡板無咁易燶 枱面上的醬同配料可以點用 甚至張櫈可以放手袋,前菜同生菜可以REFILL 其實呢D都最好係客人坐低時講解下 咁樣大家都會更清楚明白 懂得點樣去食,才會食到更美味既食物~ OPPA韓國燒肉店 OPPA Korean Restaurant 旺角洗衣街117號建煌華廈地下 如要聯絡本人,請電郵至:smonkichi@hotmail.com My Blog Link : The Ztyle Beauty Qooza She.com U Beauty Blogspot Beauty Exchange