自家製天然健康飲料及去漬霸~

 囡囡唔肯食菜,
切到細細咁都唔肯放入口~ ><
因為缺乏蔬菜,唔夠纖維
仲搞到去便便流血添~
真係煩C人~
於是自家製呢個生果菜菜汁~
材籵有:溫室青瓜一條
            蘋果一個
            檸檬半個 (用黎搾汁)
            蜜糖適量
 青瓜最好揀溫室細細條, 可以即食個隻, 如果唔係就最好批左皮,因為家下好多農藥~切青瓜時記得要切開個少少蓋同磨幾下,磨走D苦澀味
其實係咪得?我唔知, 不過阿媽敎落係咁囉~XD

將批左皮既青瓜同既蘋果切粒, 放入攪拌機打爛~
再加入適量既凍水 (視乎你想杰D 定稀D
想有冰凍感覺可以加入冰水~
加埋檸檬汁同少許蜜糖再一齊攪拌~
就變成中間呢間 望落好健康既綠色果汁~
味道仲唔錯架, 酸酸甜甜, 起碼我個衰女肯飲先呀~

 

自家製 天然 健康 飲料 去漬霸
唔好睇少呢個咁簡單既果汁,因為呢幾樣生果都有好勁既功效架。

青瓜:味甘,性涼。有利水、清熱、解毒、止渴、利水腫,利尿、潤腸通便、消炎、減肥之功效。青瓜富含水分,能帶來解渴的效果,同時補充身體所流失的水分,有助維持人體正常體溫;富含維生素 C,具有阻止黑色素沉澱而達致美白的效果;青瓜含丙醇二酸,可抑制糖類轉化為脂肪,被視為減肥食品。而其嫩種子則含豐富維生素 E,可以保持肌膚青春活力,還具有防止女性流產、增加男性精力的功能。

檸檬汁能幫助消化、增進食慾,並有生津止渴、舒氣、寧神作用。檸檬含豐富有機酸和維生素 C,能抑制黑色素的形成及防止皮膚色素沉積,避免形成雀斑和具美白作用。此外,其豐富維生素 B 含量能促進皮膚組織健康,特別是口腔黏膜。

蘋果:味甘酸,性平。蘋果有生津止渴、健脾胃的作用。蘋果入藥更有治療輕度腹瀉、便秘、高血壓等功效,還可用作預防疲勞。蘋果所含的果膠成份能幫助排走血液中的膽固醇;其粗纖維素則具有預防便秘的作用,同時還含豐富的維生素 C、鉻質、鋅質等微量元素。

蜜糖:養顏美容,調養體質、調解生理機能,幫助維持消化道機能、使排便順暢,滋補強身、增強體力、更可治療口腔炎, 失眠,咳嗽,抑菌作用(蜂蜜中含有乙醯鹼─抑制,葡萄糖─調昇)而具平衡調節作用,解毒作用(即蜂蜜可昇高血糖,氨基己糖,增加肝醣原,使血膽固醇恢復正常)加速創傷組織再生作用。
註,一歲以下的嬰幼兒因為腸胃消化器官不發達,胃酸的分泌較差, 所以唔可以進食蜜糖架

而且生食既蔬果, 可以完全保留本身既營養價值,唔會因為煮過而流失。
每星期飲1 – 2 杯, 可以幫身體排下毒,每次飲完都會有UN UN 去架, 氣味仲特別難聞,因為佢將你積存係身體入面既毒素排哂出黎,好過飲減肥茶呀~
當然,幾好既野都唔好日日飲,同一次飲好多,物極必反呀~
至於搾左汁既檸檬,我地都唔好浪費~
可以放入D水度變成檸檬水~
自家製 天然 健康 飲料 去漬霸
而且,仲可以將D 檸檬成舊放入水 再放D 餐具入去浸,咁就可以幫D 餐具, 器皿去漬
D 好多茶漬既杯呀,圍哂邊既SPOON 都可以用呢個方法去架~
夠哂天然, 唔怕有殘留既化學物質,又可以環保D ,唔會浪費~
尤其係家中有小朋友, 用呢個方法去清洗小朋友既用具就最安全。
希望大家鐘意我呢個分享啦~
如要聯絡本人,請電郵至: smonkichi@hotmail.com
This entry was posted in 健康養生, 環保, 甜品/飲品, 親子, 護膚, 食療 and tagged , , . Bookmark the permalink.

2 Responses to 自家製天然健康飲料及去漬霸~

  1. kwyeah says:

    好有心機的媽媽

Comments are closed.