KC Korea 係官塘既旗艦店又大又多野行 而且仲不時舉行一D 興趣班俾KC KOREA 的會員參加 今日我就參加左佢地舉行既韓式化妝, 參加既人數有成四十人架~ 其實韓風都流行左好耐, 而韓國既化妝護膚品牌亦在香港大放異彩 咁多唔同既品牌, 我地又可以點揀呢? 不如今日就由KC KOREA的工作人員同老闆娘親自介紹一D韓國品牌俾大家認識 同時敎大家化一個韓妝~ 化妝之前當然要清潔面部~ KC KOREA既韓國老闆娘因為朋友關係,係韓國引入左ECLADO 呢個護膚品牌 呢個品牌我今日都係第一次見, 完全佢係專俾D 做完療程後既皮膚使用 使用不刺激皮膚既植物性成份, 溫和咁清潔面上的污垢。 之後再噴上天然水果成份既爽膚噴霧 老闆娘話爽膚水一定要噴, 因為可以平衡皮膚既PH 值 佢話韓國人會將TONER 放係浴室而唔係放係梳妝枱。 因為洗完面沖完涼就即刻噴, 可以直接深入皮膚~ 之後再搽埋同系列既EYE CREAM 好奇怪點解枝EYE CREAM 有成70G咁多~ 原來老闆娘話韓國依家興用EYE CREAM 當面霜咁用~ 咁大手筆呀, 為左塊面,你又捨唔捨得? ECLADO 仲有出四款不同功效既安瓶 有維他命C美白,蝸牛,收毛孔同膠原蛋白四款 針對唔同需要既皮膚 只須少少就可以推混成塊面, 而且更快速滲入皮膚,質感清爽 用眼霜做面霜我就唔捨得啦,所以都係會選擇用番面霜 呢款ECLADO 既面霜質地好得意, 好似....椰汁糕咁~HAHA 總之係超滑的, 但一推開就好快就會變成水咁,皮膚吸收哂~ 記得好似老闆教咁, 要搽埋頸呀~ 韓妝的基本是妝感夠薄,似有還無,所以做好護膚,打好個底係最重要 皮膚夠潤,就唔會出現卡粉。減少出油, 仲可以LONG LAST D添 做好皮膚護理, 我地可以開始著手啦~ 話明個底要夠薄, 所以BASE 係一定唔可以少~ BASE 有分隔離, 調色等吾同功效 而今次我地就用ECLADO 既光彩美白霜 呢隻其實是WHITENING CREAM, 有天然美白修護成份, 可以保濕之餘,更有強效美白功效 可以加速新陳代謝及減淡色斑 而搽上後既皮膚亦即時去除黃氣~變得透白亮麗~ 就算唔化妝, 薄薄咁塗上一層出街都OK架~ 當然,如果想有更強既遮瑕同修飾,可以再搽上BB CREAM , 或混合2者一齊用都可以~ 混合後一齊用,可以令皮膚色變得白晰,透亮,自然,而同時仲可以保持水潤~ 好多人以為搽完一層BB CREAM 就完妝, 當然, 係韓國咁干爽既天氣就無問題 其實係香港咁潮濕既天氣, 仲要人多車多塵又多,就咁搽BB CREAM會好易痴哂污糟野啦~ 所以我點都會搽番干粉, 令到皮面干爽為止。 尼隻三色研磨調色碎粉SPF 32 PA+++, 除左可以當干粉用之外 佢獨特既三色功能,只要轉一轉就會三色一齊出 黃色遮瑕, 粉紅色令皮膚紅潤, 藍色提亮膚色 三齊混合使用就可以均勻面色, 修飾面部皮膚。 打好個底, 就要執番D眼耳口鼻啦~ 首先,會從眼眉開始~ 畫眼眉可以用眉粉, 有呢隻3色既Banila co. 可以自已調較適合既眉色, 仲有附盒附送的三個刷同鏡,隨時隨地都可以補妝。超方便 當然,可能大家都用慣眉筆, 可以試下呢隻CLIO 的WATERPROOF EYEBROW 防水防油, 一邊頭仲有掃頭,可以即時擦出理想眉型。 如果大家D眉毛好濃太長, 仲可以用眉毛造型膏。呢隻好似MARSCARA 既眉毛膏 可以GEL 眉之餘,仲有淡啡色, 可以淡化過粗過濃既眉毛色 搞完條眉就到搞隻眼啦~ 眼同面一樣,最好都係加番打底 呢隻VIDI VICI 既眼影寶盒,有霜狀同粉狀, 霜狀打底薄幼滑,令眼窩變得亮白,仲可以令之後塗上的眼影仲出色。 粉狀帶有微金色色粉,抺開後帶出自然,閃爍既光澤感。 如果你好似我咁懶,唔想特登又整多盒EYE BASE 可以試下用多色眼影~ 呢盒ESPOIR MULIT EYE SHADOW就可以做齊 由左下淺色開始順時針到深啡色,一層層畫出眼部輪廓~ 當然,仲要加埋眼線同MARSCARA, 就大功告成了~ 畫左眼線後成個人都精神哂~ 唔想俾人覺得面青唇白,就要加番胭脂同唇膏 呢隻VIDI VICI SHEER FACE COLOR加入了3隻色,可以獨立作陰影粉及光影粉之餘 3隻色一齊掃在面頰上,可以作為具立體感既胭脂使用。 比平時既單色胭脂更自然~ 最後, 就係搽番個嘴~ Espoir Lipstick 曾經獲得2014 BEST BEUATY BUY ITEMS 老闆娘嘴上的桃紅色係咪好搶眼呢, 離咁遠都見到呀~ 唔想咁誇, 想自然D, 可以再搽多一層3CE 既LIP GLOSS 佢既質感滋潤,含有保濕成份福爾林, 可以有效維持一整天。 無論係裸唇或塗抺唇膏後塗上, 都能給雙唇一層保護膜, 而且仲有亮麗光彩, 令雙唇豐厚迷人。 睇下完妝後既老闆娘幾迷人~ 其實韓妝都唔係想像中咁難,而且比歐美妝更自然, 平時返工化都適合。 好多謝KC KOREA, 令到我對韓國品牌既認識又多左~ 當然,大家可以去KC KOREA既各面市親身試一試各種韓國品牌既質感 慢慢試到啱~ 官塘店:觀塘成業街6號泓富廣場2706-10室(觀塘站B1出口街口轉左) 【KC Outlet 韓國護膚化妝品專門店】 荔枝角店:荔枝角青山道489-491號香港工業中心B座7樓12室(荔枝角站C出口轉右) 葵芳店: 葵芳葵富路7號葵涌廣場2樓新時代50-53 A7舖(葵芳站E出口經新都會廣場直達) 旺角店: 旺角西洋菜南街兆萬中心地下G11舖 荃灣店: 荃灣麗城薈第三期地下16號舖 黎緊KC KOREA 又再搞化妝班啦 大家快D去佢既FACEBOOK報名啦~ https://www.facebook.com/Kckorea 如要聯絡本人,請電郵至: smonkichi@hotmail.com Blog Link :The Ztyle Beauty Qooza She.com U Beauty Beautylife Blogspot BE