收工同男朋友食飯,話同我去食韓燒! (好啊~ 好耐無食韓燒了! 不過... 可唔可以唔出尖沙咀咁遠~~~~) 東九龍返工的我,放工仲要迫出尖沙咀食飯,呢日只係星期一,仲有幾日捱! 一晚訓夜左,成個禮拜都唔方好過! "放心啦.... 我地去觀塘駱駝漆" yeah! 觀塘工廈有韓燒! (唔燒食料理一樣得) 小店非常開揚,大約有10幾張枱! (望真d ,仲有間vip 房!) 價錢大約都係$100-$150/ 款食物,平均消費大約都係$150左右! 心諗,大大碟兩個人食得幾多! 一於Call多兩個friend 嚟食... 點完菜,服務員轉頭就上左一碟碟前菜~ 數一數款式都有成10款!!!! 除左成日食既泡菜(辣!)、仲有唔辣的黑豆、蓮藕同豆角!!! 先來一個海帶牛肉湯暖一暖胃~ 肉來啦~ (燒肉minimum要叫兩盤) 碟頭非常實在,同一價錢係銅鑼灣、尖沙咀等旺區,份量就未必有咁多! 成班朋友咁開心,梗係要飲返杯啦! 呢個炒八瓜魚就最啱餸酒! 超爽!!!! (辣) 推介!!!! :-P 男人,不能沒有飯。燒肉配白飯,加碗湯佢已經大滿足! 我唔好飯梗係食韓式煎餅啦~ 熱辣辣的煎餅我可以食1/4!!! 埋單仲有驚喜! 現金免加一。 Facebook Fan Page: Smartttty Facebook ID: smarttttyho Instagram: Smarttttyblog E-mail: smarttttyblog@gmail.com 山田海韓國料理: 觀塘開源道60號駱駝漆三座3樓U室