中學時代學的東西... Phy Chem Bio 早已忘記得一乾二淨! 唯獨包餃子,從小在家政堂學來的手技,因為有可見的回報 (即時有得食!) 所以... 還記到而家! 那人曾說他很喜歡吃餃子! 於我... 無難度! 材料通常很fleixable 的,如果沒時間預備我就會買白菜 + 豬肉、或者椰菜 +豬肉; 想清清地的話就會包粟米、甘筍、木耳絲、菜、冬姑... 有時也會改用雞肉! 總之就是看心情、也看街市行情! 這日突然好想食傳統的韮菜豬肉餃! 包了半斤圓形厚身餃子皮、準備好韮菜和豬肉! 早兩日Loop fb 睇到話原來春天食韮菜對女仔特別好! 雖然買現成的煎餃都好方便! 灣仔碼頭、韓國煎餃我都有試過,不過始終如果想食得健康一d (我)、又暢快一d (大食的人!) 的話... 還是喜歡自己動手! 說來... 兩盤餃子又包好了! 煎餃的心得~ 先用中火燒熱鑊,轉細火落少少油,放餃子; 鋪好餃子後再放半碗熱水 (熱水主要是保護我的易潔鑊),跟住轉中火冚蓋! 大約過左2分鐘就可以望下是否已經收曬水,通常我就會得到水收乾至餃子邊才打開蓋。 但係去到呢個時候都記住唔好篤D 餃子、或者用鑊鏟鏟佢地... 咁樣會好D 散。 轉細火等佢個底慢慢煎到金黃色! 去到完全收乾水份就可以輕輕手鬆開佢.. 再用隻碟冚上去! 一返! 就可以成盤餃子起左出嚟~ 除左可以點蒜片黑醋之外,今次我仲揾嚟XO醬來配餃子! 大口大口的瑤柱... 滋味! (P.S: XO醬是來自紫粵軒的! 推介~ ) 今次就分享住咁多先! 下次再整左嘢食再同大家開心share~ Facebook Fan Page: Smartttty Facebook ID: smarttttyho Instagram: Smarttttyblog E-mail: smarttttyblog@gmail.com