放假吃喝是常識吧! 雖然我食嘢一向都好小心,不過呢個中秋我都真係痴痴地... 月餅、雪糕月餅、蛋糕、甜品... 我乜都擺曬入口! 10月了,是時候清卡數了!!!!(食埋食埋咁多嘢... 除左要給力跳多幾場舞之外,更重要就係要嚴格實施入口管制!) 又想有營養又想食得飽... 其實選擇也有不少! 咁啱呢日收到同事新鮮空運既Kimchi,就來個低卡泡菜豆腐鍋 ! 回家吃飯的人萬歲!!! 放工即刻走去買餸先! 大蔥、金菇、芋絲、豆腐... 好彩記得拎埋兩包Kimchi 返屋企! 呢餐最有貢獻就係呢盒豆腐 - 50 Kcal/ 100ml,成盒就175 Kcal。而芋絲同金菇可以話係我減肥時期Honey 中既 Honey... 超低卡又飽肚!!! 正! 好快就切好曬d 材料可以開火了! 第一部就係炒一炒個Kimchi先!(繼續係唔洗落油...) 之後就已經係加水、放埋另一種Kimchi。雖然我搞唔清呢種係咩菜 --- 我學極也不懂的韓文! 但係佢好脆口,比起Kim 大白菜更好味!!! (都係個句,口味同喜好係好個人!!!) 冚蓋煮幾分鐘,再放埋金菇同大蔥! 因為呢兩款菜如果煮得太耐就會好稔唔好食,所以基本上一放落去再郁兩下個鑊鏟就已經可以食得! 一向戒夜飯的我食這個餸就啱啱好! 一來有好多菜、二來豆腐又有豐富既蛋白質、加上我咁鍾意食辣!!!! 食完個人暖笠笠,又飽肚!!! 仲有,唔好睇少呢煲嘢! 我呢度只係食左1/3!!! 而且買材料都唔洗40蚊!!! 希望大家會喜歡我今日既分享。今日介紹呢款可以話係一個方便快捷既低卡住家美食,令我諗起讀U 時,得個電飯煲開飯的日子... More & More: 一日到黑隨心想-《我是Plan #?》 330日娘娘練成日記 [自家計地獄級低卡早餐預算] [不起眼$12店小家品]化妝枱即時大翻身